أمينة خليل: التجهيز لشخصية "فطنة" فى فيلم "شقو" استغرقت 3 ساعات

أشادت الفنانة أمينة خليل بالدورة الـ 44 من مهرجان القاهرة السينمائي الدولي برئاسة النجم حسين فهمي، قائلة: "أكتر حالة بحبها وأفتخر بيها الأفلام المتاحة لينا إننا نتابعها ونشاهدها في مهرجان القاهرة السينمائي، الاختيار بتاع الأفلام بيبقى أحسن وأحسن كل سنة، ويتاح لينا إننا نشوف أفلام عالمية لأكبر المخرجين والفنانين حول العالم".

وتابعت خلال لقائها في برنامج "مساء DMC" مع الإعلامي رامي رضوان أنها تعمل خلال الفترة الحالية على 3 أفلام جديدة، منها فيلم "شقو" الذي تقوم خلال العمل بدور "فطنة"، موضحة: "فيلم شقو إحنا شغالين تصوير عليه، ولسا ودامنا شوية، كل يوم بروح أصور في شقو بكون مبسوطة أكتر من اليوم اللي قبله، الموضوع بيبقى مضحك جدا لأننا كلنا صحاب".

النجمة أمينة خليل في لقاء خاص مع رامي رضوان في ختام مهرجان القاهرة السينمائي الدولي في دورته الـ 44#CIFF44#مساء_dmc pic.twitter.com/vKfW3Y5vMM

— dmctv (@dmctv) November 22, 2022

كما أشارت أنها تستغرق الكثير من الوقت في التحضير لشخصية "فطنة"، قائلة: "فطنة الدور اللي بلعبه في الفيلم، بتاخد 3 ساعات عشان نخفي أمينة ونطلع فطنة، أنا في الطبيعي بكون سهلة جدا في اختيارات اللبس والمكياج للأدوار، ولكن فطنة عشان تطلع لازم وقت عشان فطنة دي مختلفة".

أما عن ثاني أعمالها السينمائية، أوضحت أنها تشارك في فيلم "شماريخ"، الذي اقتربت على الانتهاء منه خلال الأسبوعين المقبلين، مضيفة أنها تعمل أيضا الفترة الحالية على فيلم "وش في وش" مع مجموعة من الفنانين.

وتابعت: "أول ما قرأت سيناريو فيلم وش في وش اتحمست ليه وقولت يلا بينا لأني بضعف أوي لما ألاقي اسكربت لعمل كويس، ولما بلاقي فيلم أو شخصية حلوة مبقدرش أقول لا، جالي 3 أحلى من بعض ويارب الناس كلها تعجبها الأعمال دي".