ريهام عبد الغفور لـ إسعاد يونس: ابنى الكبير فاجأنى بدراسة الإخراج

قالت الفنانة ريهام عبد الغفور خلال استضافتها ببرنامج "صاحبة السعادة" على شاشة قناة Dmc : "عندي ولدين الفارق السنى بينهم كبير، واحد تخطى الـ 20 وبيدرس دلوقتى في كندا والتانى أصغر بحوالي 10 سنين.. الأول بالذات عاش معايا كتير، وكنا قريبين من بعض جداً".

وأضافت: السبب في قربى من الكبير إني خلفته صغيرة كان عندي 21 سنة لما خلفته وبالتالي الفارق بينا مش كبير عكس الصغير".

وعن دراسة ابنها للإخراج : "فاجأنى لما قرر كده، وبالتالي سفرته كندا خاصة أنه كان قايل ها يدرس قانون، وبعدين قال ها يدخل سكة التصوير، وبعدها قلت أشوف بردو موهوب ولا لا فبعت شغل عامله لمخرجين، كاملة أبو ذكرى وتامر ومحسن وقالوا سفريه ييجي منه".

كما أكدت ريهام عبد الغفور أثناء استضافتها على تعلقها الشديد بوالدها قائلة : "أنا بنت أبويا جداً، وكنت طفلة خجولة أوى، حتى إني كنت بخبى وشى أثناء التقاط أي صورة لوالدي مع أي حد وأنا موجودة فيها، وده كان مخلى أهلى مش متخيلين إني همثل".

وعن أبرز أدوار والدها التى تحبها به قالت: "مسلسلين لا يعرضوا كثيراً هما (حسابى مع الأيام)، (عاد الماضى)، وكنت بحبهم ودوره في الاتنين مُبهر جداً".