أنوشكا: علموا أبناءكم الرحمة واستنونى هرجع أغنى تانى

طالبت الفنانة أنوشكا الجميع بضرورة الاهتمام بتعليم الأبناء الرحمة في كل النواحي أثناء استضافتها من برنامج "أسرار النجوم" مع إنجي على قائلة: "العلاقة ما بين الإنسان والحيوان فيها كم كبير من الوفاء والمشاعر الصادقة غير المرتبطة بأى مصلحة، وده إحساس جميل جدًا، وأتمنى من الآباء أنهم يعلمون أبناءهم الإحساس بالرحمة بكل المخلوقات".

الفنانة الكبيرة انوشكا

وأضافت : "أما تدي اللى حواليك إحساس بالأمان دي حاجة كبيرة جدًا، يعني أما تطبطب على كلب حتي أو حيوان صغير أنت بتحسسه بالأمان بصورة كبيرة، وده معني مهم، وبينعكس على التعامل مع اللى حوالينا، فلو كل واحد بقه جواه سنة رحمة وشال مسئولية دي حاجة كبيرة".

استكملت: "لو كل أم علمت أبناءها الاهتمام بحيوان في البيت، وبقه عنده شوية رحمة بكره ولا بعده ها يعرف الولد ده يشيل مسئولية، وبكره ها يديكي الكوباية أما تعجزى، ويساعد الكبير أما يشوفه في الشارع".

وأضافت الفنانة الكبيرة أنوشكا عن سبب ابتعادها عن الغناء لفترة بقولها: "ظروف مرض والدي ووالدتي وانشغالى بيهم، لأن الفن موجود إنما هم بكرة ممكن ما يبقوش موجودين وبالتالي كان لازم أبقى جنبهم وما أركزش في حاجات تانية تاخدني منهم، لكن الفترة اللى جاية ها اهتم بالغناء".