يوسف الحسينى: علاء عبد الفتاح مسجون بتهم وليس مسجونا سياسيا

قال الإعلامى يوسف الحسينى، أنه من الطبيعى أن تطمئن أى أم على نجلها، متابعا: "الطبيعى أن كل أم تطمن على صحة ابنها وأحواله.. ده طبيعى ومحدش ينكر هذا الحق.. هل فيه فى الدول الكبرى.. إنجلترا أو فرنسا أو أمريكا أو اليابان.. اختار البلد اللى انت عاوزها.. فيه حاجة اسمها انا كنت واقف 10 ساعات قدام سور السجن عاوزه اطمن على ابنى ولو برسالة خطية.. هو فيه حاجة كده؟!". 

وأضاف الحسينى خلال برنامج "التاسعة" على القناة الأولي: "هل ده بيحصل.. ننادى يا علاء يا علاء.. وحد يرد عليها من السجن ويقولها نعم فتقوله عاوزه اطمن على علاء.. وحد ينادى على علاء من جوه.. علاء مسجون بتهم.. والتهم بالمناسبة لازم تلتفت له الوكالات اللى بتتكلم عن المهنية والمصداقية.. وتطلع تقول أصل علاء عبد الفتاح مسجون سياسي".