يوسف الحسيني ناصحا بيج رامي: إياك والاعتزال.. أنت الأفضل في مستر أولمبيا

ناشد الإعلامي يوسف الحسيني، البطل المصري ممدوح السبيعي الشهير بـ"بيج رامي"، بعدم التفكير في اعتزال لعبة كمال الأجسام على الإطلاق.

وقال يوسف الحسيني، ببرنامج "التاسعة" المذاع عبر القناة الأولى بالتليفزيون المصري: "الكل أجمع أن الشيب بتاعك، وأن الفورمة أحسن من السنة الماضية، لكن ما كانش حد هيسيب رامي ياخد البطولة للسنة التالتة على التوالي".

وأضاف يوسف الحسيني: "بالنسبة لهادي شوبان بطل مستر أوليمبيا، الكل أجمع إنه مفيش تغيير عن السنة الماضية، وأن ممدوح السبيعي أحسن من السنة الماضية.. ده معناه إيه؟! أوعى تعتزل يا رامي لأنه والله كنت أحسن من السنة اللي فاتت".

وتابع: "أظن ممدوح وفاهم وعارف كويس جدا مستر أولمبيا، وكمل لأن دي مش آخر الدنيا، وأكيد هتاخدها السنة الجاية، وأنت بطل وإحنا مبسوطين بيك كلنا".