فردوس عبد الحميد: وجود محمد فاضل فى الضاحك الباكى حفزنى أكتر للعمل

تحدثت الفنانة فردوس عبد الحميد عن كواليس عملها مع زوجها المخرج محمد فاضل في مسلسل "الضاحك الباكي" خلال حلولها ضيفة على برنامج "الراديو بيضحك مع فاطمة مصطفى على راديو 90.90.

وقالت فروس عبد الحميد: "محمد فاضل مخرج محترم جدا بيحترم كل الكاست والممثلين اللي شغالين معاه، الميزة اللي فيه إنه بيحضر شغله كامل كويس، كل حاجة متحضرة، وكل مشهد معروف هيتعمل ازاي".

وتابعت: "افتقدنا دا كتير في الفترة الأخيرة، ودا حفزني أكتر إني أشتغل في العمل دا، لإني في النهاية هضمن إنه هيطلع عمل كويس وإنه وبيعتبر الممثل هو اللي هيطلع كل الحاجة اللي هو عايزها، فببقى بشتغل معاه وأنا مطمنة إن كل حاجة هتطلع كويسة، ومش بقول دا عشان هو جوزي".

مسلسل "الضاحك الباكي" سيناريو وحوار محمد الغيطى وإخراج محمد فاضل، ويعرض على قناة cbc من السبت إلى الأربعاء فى تمام الساعة 8 مساء من بطولة عمروعبد الجليل في دور نجيب الريحاني، مصطفى شوقي دور سيد درويش، فردوس عبدالحميد والدة نجيب الريحاني، رزان مغربى، هاجر الشرنوبى وعدد آخر من الفنانين.

"الضاحك الباكى" يرصد توثيق لفترة زمنية من خلال شكل الحياة السياسية والاجتماعية والاقتصادية لمصر في نهاية القرن 19 وبداية الـ20، ويتناول حياة نجيب الريحاني بداية من ميلاده نهاية القرن 19 منذ عام 1892 وحتى خمسين عاماً في عام 1949 وعن قصص الفن والمسرح وحكايات عن الراحل في تلك الحقبة الزمنية المهمة.

يذكر أن الفنانة فردوس عبد الحميد ظهرت كضيفة شرف في حلقتين من حلقات مسلسل مكتوب عليا مع النجم أكرم حسنى في شهر رمضان الماضى، والعمل شارك في بطولته عمرو عبد الجليل، أيتن عامر، هنادي مهنا، هلا رشدي، حنان سليمان، وإسماعيل فرغلي، ومحمد طعيمة، وعدد من ضيوف الشرف، وتأليف إيهاب بليبل، وإخراج خالد الحلفاوي.