عمرو محمود ياسين يكشف ذكرياته مع والده في برنامج "ويحلى الكلام"..اليوم

 تستضيف الإعلامية لبنى فوزى اليوم الخميس فى برنامجها " ويحلى الكلام"  السيناريست عمرو محمود ياسين  عبر أثير راديو مصر ويكشف ياسين في الحلقة أهم ذكرياته مع والده الفنان الراحل محمود ياسين وكيف بدء مشواره في الكتابة ، موضحا حكايته مع مشهد موت ابنه فى مسلسل اللى مالوش كبير ومفاجآته الجديدة في عالم السينما .

 عمرو محمود ياسين ولبنى فوزى 

وفي سياق متصل أشاد المؤلف عمرو محمود ياسين، بالمخرج محمد فاضل والنجمة فردوس عبد الحميد بعد عرض أولى حلقات مسلسل “الضاحك الباكي".

وكتب عمرو محمود ياسين  عبر حسابه على "فيس بوك"، قال:"الأستاذ محمد فاضل هذا التاريخ العظيم...  هذا الإبداع  المتواصل  عبر سنوات وسنوات من النجاحات. .. محمد فاضل  براند لوحده ... شرف كبير لأي فنان انه بيوم إشتغل أمام كاميرا محمد فاضل وانا  حصلت ع هذا الشرف  في مسلسل اسمه ربيع الغضب . للمؤلف الكبير مجدي صابر  وإخراج  أيقونة الإخراج  في مصر والوطن العربي محمد فاضل

كل الإحترام والحب للقدير محمد فاضل و للفنانه الكبيرة  صاحبة  التاريخ  العريض من  الأدوار  العظيمة النجمة فردوس عبد الحميد  ..  اللي يتفرج ع شغل فني ومايعجبوش فهذا حقه .. و إذا أراد أحدهم أن  ينتقد أمر فني ما فهذا حقه أيضا ..لكن لما نخرج للسوشيال ميديا ونبدأ نتحدث عن قامات فنيه كبيره فليكن  ذلك بكل إحترام   وتقدير ... والفن وجهة نظر  ..  والنقد  له أصول  ...كل الحب والتقدير لهم و لعطائهم المتدفق إلي الآن ".

وفى بوست أخر كتب قائلا:"في ناس بتأكد لي ان مفيش ولا  بوست ولا  تعليق حمل  تجاوز  او تنمر في حق استاذ فاضل و الفنانه فردوس عبدالحميد  و انا هي دي مشكلتي ..انا مش مشكلتي  لمسلسل اللي لسه مالمحتش منه غير مشهدين صدفة .بس حاضر يا جماعه  هصدقكم  وهعمي عينيا حاضر  ماهو اكيد  انتوا قريتوا كل شيء اتكتب وعندكم  كل الناس وانا بيتهيألي للمرة الاخيره أعيد و اقول انا مش ضد النقد إطلاقا  بالعكس معاه ميه بالميه  لأي عمل ولأي فنان مهما كان و لكن  انا ضد البوستات والتعليقات التي تحمل سفاله وتنمر  و لا يمكن اعتبارها نقد (اللي مش بالضروره  تكون حضراتكم صادفتوها  )هو ازاي اي شيء يكتب  بقي ممكن نجادل فيه  بالمنظر ده".