100 عام على توت عنخ آمون.. زاهي حواس: كتبت 16 كتابا عن الملك الصغير

قال زاهي حواس عالم الآثار، إن اكتشاف مقبرة توت عنخ آمون أهم كشف حدث في القرن العشرين، موضحا أنه كشف للعالم كله. 

وكشف خلال لقائه ببرنامج "معكم"، عبر قناة "سي بي سي"، مع الإعلامية منى الشاذلي، عن أول مرة زار فيها مقبرة توت عنخ آمون، كان في الفرقة الثانية كلية الآداب جامعة الإسكندرية وعمره 16 عاما ونصف، لافتا إلى أنه التحق بالجامعة وعمره 15 سنة ونصف، معلقا: "كنت أخيب طالب في الدنيا، وفي الآخر طلعت بمقبول، ولو حد فيكم خايب ممكن يبقى كويس". 

وتابع: "أول مرة رحت مش فاهم حاجة، وطلعت مع زميلي بتكلم، ومكنتش بحب الآثار، ولا في الجامعة ولا بعد ما اتخرجت، ولما حصل حرب 73 وقفوا جميع البعثات الأجنبية متشتغلش في مصر، وكل البعثات راحت الأقصر وكنا 30 مفتش آثار مرافقين 30 بعثة أثرية تعمل في آثار الأقصر، وقلت للشيخ نجدي شيخ الغفر، وقلت له: أنا نفسي أتسلق الجبل اللي فوق مقبرة توت عنخ آمون، قال لي خطر، وأخدته وطلعت الجبل دا كله وقعدت للصبح في المكان ده واليوم دا حلمت إني عاوز أبقى زي هوارد كارتر".

وواصل: "عشقي للآثار غير حياتي، كنت بتضايق من حاجة، شوفت فيلم في ناشيونال جيوجرافيك لعالم آثار أمريكي داخل آثار نيفرتاري ومدير آثار الأقصر ماسك الفانوس، اتضايقت قلت احنا كمصريين محدش يتكلم في القنوات الأجنبية، وفي المكتبات كل الكتب أجنبية، ودي شكلت لي عقدة جوايا، ولما بدأت أتكلم في جميع القنوات العالمية، وكتبت 60 كتاب باللغات المختلفة"، مردفا: "كتبت 16 كتابا عن توت عنخ آمون".