كريمة المشير أبو ذكرى عن تكريم والدها: إيه الوفاء ده؟.. والرئيس السيسى: تحت أمركم

عبرت المهندسة ليلى فؤاد أبو ذكري كريمة المشير الراحل، عن سعادتها الغامرة بتكريم اسم القائد الراحل، قائلة: "فيه فيض من المشاعر مش عارفة إذا كان الكلام هيسعفنى أوصل إحساسى ولا لأ؟..عمال أقول لنفسى ايه الوفاء ده؟ خمسين سنة على حرب أكتوبر ..كان والدى شرف إنه يكون أحد قادة حرب أكتوبر والنهاردة بيكرم التكريم ده من الدولة المصرية الممثلة في سيادتك".

أضافت كريمة المشير الراحل خلال افتتاح الرئيس السيسي لمحور المشير أبو ذكري بالإسكندرية: "وصية من والدتى الدكتورة نادية الشاذلي اللى اتوفيت من شهر كانت موصياني أبلغ سيادتك امتنناها الشديد على تكريم الوالد .. كان نفسى تكون موجودة لكن اللى بيعزيني أنها كانت أول واحدة تتلقى تصديقك سيادتك على إطلاق اسم الوالد على المحور ويوميها بكت من الفرحة وقالت النهاردة ممكن امشى وانا مرتاحة.

ورحب الرئيس السيسي بأسرة المشير قائلا: "برحب بيكي وبالأسرة كلها وده تقدير متواضع للجهد الكبير اللى عملوه قادة عظام في أصعب فترة مرت على مصر في العصر الحديث.. ألف مبروك وطبعا أى مطلب إحنا تحت أمركم".