مرتضى منصور: 10 مقرات لانتخابات الزمالك غدًا.. والإشراف عليها قضائيًا

مرتضى منصور رئيس نادى الزمالك

محمد ربيع

الخميس، 10 فبراير 2022 04:04 م

أكد مرتضى منصور رئيس مجلس إدارة نادى الزمالك، أنه تم تخصيص ملعب عبد اللطيف أبو رجيلة ليكون مقرا لانتخابات النادى، موضحا أن دخول الأعضاء سيكون من جميع أبواب النادى.

وقال رئيس القلعة البيضاء: "هناك ١٠ مقرات انتخابية وكل مقر به ١٠ آلاف صوت وكل مقر يحتوى على ٢٠ صندوقا بحيث يكون التصويت في كل صندوق لـ ٥٠٠ عضوية".

وأضاف منصور، أنه لا توجد دعاية انتخابية داخل مقر النادي غدا وقت انعقاد الجمعية العمومية لانتخاب مجلس إدارة جديد، موضحًا أن أى مرشح يرغب فى عمل دعاية له سيكون خارج النادى.

وأوضح رئيس النادى، أن الانتخابات تتم تحت إشراف قضائى، بحيث سيتواجد قاض على كل صندوق انتخابي، مضيفا أن هناك حرص على خصوصية كل عضو أثناء التصويت.

ومن ناحية أخرى، كشف مرتضى منصور عن حصوله على موافقة الجهات الأمنية بحضور 5 آلاف مشجع لمباراة الفريق الأول لكرة القدم بالنادي أمام بترو أتلتيكو الأنجولي المقبلة في دوري أبطال إفريقيا.

وطالب رئيس النادى الجماهير بأن تؤازر الفريق في مباراة بطل أنجولا في ظل أهمية اللقاء، كما طالبهم بمساندة فريق السلة غدا في بطولة كأس العالم للأندية.

أوضح مرتضى منصور: "زوجة هشام يكن طلعت اعتذرت على اللى جوزها عمله، والنهاردة عندنا 4 قضايا جدد منهم 3 عشان إيقاف الانتخابات وعندى سؤال أنتوا عايزين توقفوا الانتخابات ليه، عشان فيديو أحمد سليمان نزل اللى بيقول فيه أن مرتضى منصور مش بينام عشان بيشتغل".

وواصل: "أنا خايف أحمد سليمان ينتخبنى فى الآخر، وعيشنا 10 سنين خراب وممدوح عباس بيقول بكل ما أملك من مال أدعم قائمة أحمد سليمان".

وأكمل: "مش بقول لحد انتخبنى اللى عايز ينتخبنى فوق دماغى واللى مش عايز فوق دماغى، والنادى داخل على مرحلة صعبة وصرفت مستحقات كتير.. أول مرة اللاعيبة تاخد فلوس الأيام اللى فاتت بس، وحذرت اللاعيبة من الدعاية الانتخابية ليا بعد ما كانوا عايزين ينزلوا بيان يدعمونى فيه".

وأضاف: "لو الناس انتخبتنى هفرح 4 أيام وهشيل الهم 4 سنين ولو منتخبونيش هزعل 4 أيام وهفرح 4 سنين.. بس ياريت الناس تنتخب قائمة كاملة سواء أنا أو غيري، والنادى مش محتاج حد يدخل ياخد منه جنيه وحملة ناديك يناديك وبعد الانتخابات هيكون فى قرار بخصوص قناة الزمالك وتتسمى باى اسم تاني".