لطفي لبيب: نعيش عصرا ذهبيا في الجمهورية الجديدة.. والرئيس يحلم ونحلم معه

قال الفنان لطفي لبيب، إنه عمل لمدة 40 سنة في الوسط الفني ولم يتوقف لحظة عن عرض المسرح، مردفا: "الفن أسلوب حياة، وأنا ليا 380 عملا فنيا، الحمد لله، وأشعر بحالة رضا وكل مشهد له معي ذكرى، وبقول للى اشتغلت معاهم متشكر جدا انتو كنتوا خير سند ليا.. وأنا شبعت فن.. عملت سينما ودراما ومسرح وإذاعة".

أضاف لطفي لبيب، في لقاءه مع الإعلامية إنجي القاضي، ببرنامج "مساء dmc" المذاع عبر قناة dmc، أنه يريد أن يقترح على قناة dmc أن تطلق برنامجا باسم "خط الوسط" يتناول أعمال الفنانين خط الوسط في الفن، وكذلك برنامجا رياضيا، قائلا: "أنا لعبت دور خط الوسط في السنيما مع حسن حسني وعزت أبو عوف".

وتابع الفنان لطفي لبيب: "الأستاذ عادل بيشوف اللى قدامه كويس، وعايزه ديما في أحلى صورة والراجل ده صاحب فضل عليا، وأنا أسمع أنه بخير ولكن لم آراه منذ فترة طويلة، ولازم أبقى أروحله في يوم، والعمل مع عادل إمام في السفارة في العمارة نقلة كبيرة في مسيرتي المهنية".

وأكمل: "أنا حصلت على الجرعة المعززة ضد كورونا، ومصر محمية من ربنا، مصر بتتقدم وهناك مشروعات لاستيعاب العمالة وهناك تفجير للجبال علشان المياه توصل لتوشكى.. الدنيا في مصر راحت حتة تانية خالص وإحنا بنعيش عصر ذهبي بجد، في 2012 الكهرباء كانت بتقطع كتير جدا واليوم إحنا بنصدر كهرباء، ورغم أزمة كورونا مافيش حاجة نقصت من عندنا"، مسترسلا: "الرئيس السيسي بيحلم وإحنا بنحلم معاه وأنا نفسي أوصل للحد الأقصى بتاعه في الحلم، وأنا أصبحت أكثر اطمئنانا على أبنائي في ظل الجمهورية الجديدة".

وأردف: "بعد ما قعدت في البيت حسيت أنه فاتني كتير.. أنا ماقعدتش معاهم من زمان.. وبدأت أحب قعدهم وأحفادي حواليا متعة، وأنا أؤكد أنه ليس لي أي صفحات على السوشيال ميديا، وهناك شخص انتحل شخصيتي وتسامحت مرة وإثنين ولكن لابد من التحرك الأمني ضده، وأنا بقوله مش هسكت لأنك جايبلي الكلام أحيانا وبينزل حاجات بتضايق ناس وانا معرفهوش مين هو".