أهم حاجة عندى اطلع لقمة نضيفة للناس.. أبو عوف: "مراتى كتفها بكتفى".. فيديو

الزوجة الأصيلة رزق تلك العبارة نتداولها كلما وقعت أعيننا على قصة لسيدة تعاون زوجها وتقف سند له فى الحياة وتعيش مع على الحلوة والمرة.

وفى حلقة جديدة من برنامج تكية رحمة نلتقى أم عوف امرأة أربيعينة تقف جوار زوجها على عربة سمين بمنطقة روض الفرج منذ 25 عامًا ولديها منه 4 أبناء، لم تهتم لكلام من نصحوها بعدم الوقوف للبيع فى الشارع لكن كان كل هدفها ارضاء زوجها والعمل على راحته.

وقال قدرى أبو عوف: "مراتى دى سندى فى الحياة ست بـ100 راجل تعبت وشقيت معايا عشان كدة ربنا كرمنى هى سبب كل حاجة وصلتلها بعد ربنا طبعًا مفيش كلام حلو يقدر يوصفها".

واستكمل حديثه: " كانت قصة حب كبيرة بنا وحصل مشاكل أهلها مش عايزينى بس صممنا واتجوزنا وكان أفضل اختيار وقفت جمبى وصانتنى وكانت بتراعى أمى وأبويا وهما مرضى بجد ونعم الزوجة الصالحة".