"راجل و2 ستات" يناقش مشكلة الاهتمام الزائد بين الطرفين.. شيريهان أبو الحسن: الستات ديما بيشتكوا من الرجال طول الوقت.. هيدى كرم للزوجين: الاهتمام الزيادة بيجعل الشخص يبعد عن الطرف الآخر

ناقش برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كريم والفنان أحمد صلاح حسنى، متى الرجل بيتخنق من الاهتمام الزيادة.

وقالت الإعلامية شريهان أبو الحسن : "الستات هما صحاب المشكلة طوال الوقت، وطول الست معاندة مع زوجها أو خطيها انه مش بيهتم، وهل ممكن يكون الرجل بيهتم بس بلغة أو بإشارة مش مناسبة للسيدات، ومش عارفة لية الست بقيت تشتكى طول الوقت، ولما تيجى تكلميه بيستغرب من الكلام".

وأضافت : "الراجل يكون الاهتمام كبسولة، يعنى يقعد مع الست نصف ساعة تشبعه، ولكن الست عاوزة يوم يقعد معاها الراجل، وتقولك بعدها مش مهتم بيه.. والستات ديما عندهم شكوى بان الرجال طول الوقت بيمسكوا التليفون ومش معانا".

قالت الفنانة هيدى كريم : "الاهتمام الزيادة ممكن ينفر الطرفين، وهناك اهتمام زيادة يجعل الطرف الأخر يصل إلى مرحلة الخناق، ومش قادر وعاوز مساحة زيادة لنفسه".

وعلق الفنان أحمد صلاح حسنى :" زيادة فى الأسئلة والزعل والقمص وفى الحب بيجعلوا الطرف الأخر يتخنق من الاهتمام الزيادة، وفيه فرق ما بين الخنقة والقلق، والزواج لو مسافر ممكن تكلم زوجها 10 مرات ده طبيعى ولكن فى العادى اتصال كتير فى دهب يبقى خنقة".

وأضاف :" الراجل الاهتمام بالمعيشة والطلبات عند الوصول لمرحلة توفير كل طلباتهم يفتكر الرجل أن هذا هو الاهتمام، وعند الست ايموشن وده اهم بكتير".

كما ناقش برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كريم والفنان أحمد صلاح حسنى، هل الاهتمام ممكن يكون مرضى، وإزاى مايزيدش عن حده.

قالت الفنانة هيدى كريم : "هل المطالبة من الطرف الأخر بالاهتمام الزيادة والاحساس الدائم بعد اهتمام الطرف الاخر به هل يكون أوقات مترجم لحاجات كتيرة جوانا نقصانا احنا عندنا مشكلة فيها؟.. ونظرتنا لنفسنا فيها شوية من الدونية فنبقى ديما محتاجين التأكيد من الطرف الأخر بالاهتمام".

وأضافت :" والاهتمام الزيادة بيجعل الشخص يبعد عن الطرف الأخر.. والراجل لديه مساحة مقدسة مينفعش حد يدخل عليها".

وقالت الإعلامية شريهان أبو الحسن : " درجة ملاحقة الشخص فى كل مكان تعتبر درجة من الاهتمام غير مرضية، لو الراجل مهتم جدا فى الأول بيبقى عادى ولكن بعد فترة لابد وأن يكون هناك مساحة لكلى الطرفين.. فيه اهتمام من الست للراجل مثل اهتمامها بما يحبه زوجها من الأكل أو الشرب وعندما يزيد الاهتمام سنة بيقلب ضلمة".

وعلق الفنان أحمد صلاح حسنى :" لو الراجل هو اللى بيهتم جدا بالمرأة، لو قاعدة مع صحابك بيغير منهم.. هل الرجل ده فى تصور الست تعرف تتعامل معه.. كل شخص يختلف عن الأخر وعن الزواج يختلف عن طباع الأخر وبعد الزواج بيدرسوا طباع بعض ويهتموا بعضهم البعض".

كما ناقش برنامج راجل و2 ستات المذاع على قناة on من تقديم الإعلامية شريهان أبو الحسن والفنانة هيدى كريم والفنان أحمد صلاح حسنى، كيف يكون اهتمام المرأة الرجل؟.

وقالت الإعلامية شريهان أبو الحسن،"الزواج لابد أن يكون بالعقل المناسب للزواج وليس السن المناسب للزواج، ومتى عقلنا يبقى جاهز للزواج.. الستات بتهتم بطريقة وبنحس بعد شوية أن الراجل عاوز الاهتمام بيه يكون بمفردات وطريقة أخرى".

قالت الفنانة هيدى كريم : "فيه رجالة عاوزة حبيبة أو صديقة تبقى معاهم طول الوقت.. ولكن الستات بتتسحل فى مشغوليات البيت.. وكما هى فاكرة الاهتمام الامومى ولكن فى الحقيقة ميبقاش حقيقى ومش اهتمام بين الطرفين.. والراجل بيفتقد حاجات تانى أهم من ده". 

وعلق الفنان أحمد صلاح حسنى :" بحب اشراكها معايا طوال الوقت فى حياتى.. الراجل يثق فى ذوق الست اكثر وبطريقة حلوة.. الراجل مش بيهتم فى نوعية الأكل ايه ولكن أى اكل وخلاص.. وهناك رجل يضايق لو عملت أكله مش حلوة".

وأضاف :"لازم تفكر أن الست دى مش منطق والحاجات اللى اتعودت عليها فى بيتك الأكل بمواعيد والملابس مكوية وجاهزة.. لو الشخص متزوج سيدة منظمة طبيعى هلاقى غرفتها منظمة.. ولو أنا راجل مهمل لما اعاشر حد منظم هبقى منظم".