أحمد فايق يعرض تقريرا عن طفلة ولدت بدون عين.. ووالدتها: تحتاج جراحة تجميلية

عرض الإعلامي أحمد فايق، تقريراً عن حالة إنسانية لطفلة تُدعى "لوسيندا" وهي طفلة عمرها عام ونصف، وولدت بعيب خلقي وهو عدم تكون العين، وقال: "الموضوع مؤثر على كل الناس، الكل بيتابع لوسيندا، بنتنا كلنا، زي القمر وربنا يشفيها، وهي مولودة كدة العين غير متكونة في محجر العين ويوجد دمور شديد في العظام".

وقالت دنيا السيدة، والدة لوسيندا، خلال مداخلة مع الإعلامي أحمد فايق ببرنامج "مصر تستطيع" الذي يذاع على قناة "dmc": "هي أول ما اتولدت، نزلت بالشكل ده، روحنا للدكتور، في دكتور يقول في عين لسة هتتكون، ودكتور يقول لا مفيش خالص، عملنا أشعة رنين، الأطباء قالوا إن في عصب نازل لحد جفن العين ووقف، والأشعة وضحت عن محجر العين فاضي ومفيش أي حاجة متكونة، بس الغريب إنها بتدمع لما بتعيط".

وتابعت والدة الطفلة: "روحت لدكاترة كتير، منهم دكتور كبير ومشهور وقالنا نفس الكلام إن مفيش أي حاجة تقدر تخليها تشوف، وكل اللي نقدر نعمله هو تجميل، وهي حاليا حاطة عدسة تعويضية وبتتغير كل شهر".