حازم إمام للميس الحديدي: إحنا الأولى بالبطولة ومنتخب مصر عملوا مجهود كبير

علق الكابتن حازم إمام عضو مجلس إدارة إتحاد الكرة على نتائج  بطولة أمم إفريقيا،" كل الماتشات بتاعت مصر بطبيعتي قبلها بببقى قلقان زي كوت ديفوار والمغرب بس بمجرد بدء اللعب  بحس أننا جامدين ".

 

وأضاف في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة ON، تفاجئت بالأداء  بداية من " كوت ديفوار" وحسيت بالسعادة، التشكيل كان رائع جداً واللاعيبة عملوا ماتش كويس أوي، كنا بنلعب رأس برأس وكنا أحسن كمان، ومنعم وحجازي عملوا شغل كويس أوي وتخطوا لاعبين دوليين ".

 

وحول مباراة القمة مع السنغال قال، "ماتش السنغال ليه خصوصية والناس كتيرة بتتكلم بس ماجربوش منتخب السنغال وأنا كنت عارف أنهم هيتعبوا فيه جداً.. الناس كلها  بتتكلم وهي قاعدة في البيت"، معدداً الصعوبات التي واجهتهم  في  الرطوبة عالية أوي وأربع ماتشات متتالية مدتها  120 دقيقة ده مجهود كبير جداً".

 

وأكد أن مصر هي الأحق بالبطولة  والسنغال تستحق مباراة الأمس لعدة أسباب، "مصر كانت أولى بالبطولة لعبت مع فرق  صعبة جداً لعبنا نيجيريا والكاميرون وكوت ديفوار  والمغرب  كل الفرق  الكبيرة في البطولة وفي المقابل  السنغال لم تلعب مع أحد الفرق الكبيرة".