شقيق أبو جبل يكشف تفاصيل ساعات الحزن وأول مكالمة بعد مباراة السنغال.. فيديو

كشف الدكتور أشرف أبو جبل شقيق حارس مرمى منتخب مصر محمد أبو جبل، عن تفاصيل آخر اتصال مع أبو جبل عقب الخسارة من منتخب السنغال، مؤكدا أنه كان متأثرا بشدة بعد المباراة، ولم يستطع الكلام، مشيرا إلى بكائه بعد المباراة، متابعا"أبو جبل من النوع اللى مش بيحب الانكسار أو الهزيمة".

وأضاف شقيق حارس منتخب مصر خلال اتصال هاتفى مع تلفزيون اليوم السابع "المنتخب الحقيقة قدموا ماتش يعني بطولي والصراحة مفيش منتخب لعب كل عدد الوقت ده وعدد المباريات ورا بعض، اللاعيبة كلها كانت رجالة واجتهدت فى الملعب".

وعن استقبال أسرة أبو جبل للهزيمة فى المباراة الأخيرة قال "الحمد لله على كل شيء المكسب والخسارة دي حاجة بتاعة ربنا، وأهم حاجة أن الرجالة أدت وعملت اللى عليها والناس كلها شافت ده، والبلد كلها عن بكرة أبيها، وأسيوط كلها مستنية الكابتن ينزل"

وعن والدة أبو جبل قال "لما شافته بيبكى كان إحساس صعب جدا، وهى تعبت وصحتها تأثرت بعد خسارة كأس أفريقيا".