لو جوزك سيكوباتي هتتعاملي معاه إزاي؟.. اعرفي الحل من "الستات ميعرفوش يكدبوا"

قدم برنامج "الستات مايعرفوش يكدبوا"، عدة نصائح للسيدات اللاتي يتعاملن مع أزواجهن "السيكوباتيين"، لتجنب المشكلات، وقالت الإعلامية إيمان عز الدين، إن كثيرا من السيدات يتعاملن مع الشخصية "السيكوباتية"، والتي تحب التحكم في الزوجة بشكل يزيد عن الحد، لاسيما وأنه متناقض في مشاعره، ولا يشعر بالذنب تجاه أي تصرف قد يفعله.

أضافت إيمان عز الدين، في برنامج "الستات مايعرفوش يكدبوا" المذاع عبر قناة CBC، أن الزوج السيكوباتي يعاني من عدة مشكلات نفسية، وطول الوقت ينتقد من أمامه، مردفه: "الشخص السيكوباتي عبارة عن مجموعة من العقد والأمراض النفسية، وهذه الشخصية من الواضح أنها عبرت بفترة طفولة معقدة ومراهقة صعبة ومارس أحدهم عليه شكل من أشكال العدوانية".

وتابعت: "السيكوباتي هيمنع زوجته من الاختلاط بالمجتمع، وهيقولك أنا بحبك وبغير عليكي وعايزك جنبي، كمان بخيل في المشاعر وماديا، ويقولك أنا حريص وعلشان بكرة ووغيره، ولسانه وحش ومتناقض ونقده لاذع، ومش بيحب حد يخالفه في الرأي لأنه شايف إن ديما رأيه صح، لدرجة إنه من جبروته بيحاول مع الوقت يشككك في نفسك، ويبقى هو اللي عامل المصيبة ويتهمك، لذلك اوعي تستسلمي لوجهات نظره واعملي الصح ولا تبالي يا عزيزتي".

من جانبه، قالت الإعلامية هبة الأباصيري، إن الشخص السيكوباتي، يظهر أمام الناس على أنه الشخص البريء والمثالي، متابعه: "الناس تحسده، وقدام الناس بيبقى زي الفل، ولكن إذا زوجك سيكوباتي، وفي حالة خروج الأمور عن حدها المسموح به، وبدأ يكون فيه تريقه وإساءة لازم تلجئي لحد يساعدك ويكون مقبول بالنسبة له علشان الموضوع مايقلبش معاه بعند وعنف شديد".

وتابعت هبة الأباصيري: "الشخصية دي عايزه حد يضحك عليها ويحسسه بعظمته وذكاءه وفي النص يرميله الرسائل المطلوبة".