الراجل الغامض بسلامته.. منى عبد الغنى تكشف أبرز علامات الحب عند الرجال

قالت الإعلامية منى عبد الغني، إن الرجل دائما ما يتم وصفه بالغموض، مشيرة إلى أن البعض يرجع السبب وراء ذلك الغموض، إلى أنه يكون أكثر جاذبية عند السيدات، وأن ذلك يخفى فى بعض الأحيان مشاعره تجاه شريكة حياته أو الجنس الآخر، إلا أن هناك علامات يمكن من خلالها معرفة حقيقة مشاعره.

وأضافت خلال برنامج "الستات ميعرفوش يكدبوا" الذى يذاع على قناة "cbc": "فى شوية حاجات ركزى فيها، عن أبرز علامات الحب عند الرجل الغامض، أول نقطة إنه بيفرح بوجودك، لما بتتقابلوا في وسط ناس، ركزى مع رد فعله، بيبقى في لمعة حب للبدايات لو مش موجودة، العنين بتلمع".

ومن جانبها، قالت الإعلامية إيمان عز الدين: "الحب ده عامل زي النبتة الصغيرة، بيتروي حب واهتمام وحنية ومشاعر، الست مبتعبرش عن مشاعرها كما يجب، وبتتخيل إنها لو عبرت عن مشاعرها للراجل إنها بتعوده على كدة، وبتتحول هي لمصدر جفاف العلاقة بينها وبين شريكة حياتها، وشئ طبيعي يكون رد فعله طب تمام وأنا كمان".

وتابعت: "الراجل الغامض ممكن وهو بينكش وبيرخم إنها تضايق منه ويحصل مشكلة كبيرة بينهم، يعني مثلا يبين إنه واخد باله من التفاصيل بس مش مهتم في نفس الوقت".