سلوى عثمان تكشف لتلفزيون اليوم السابع تطورات صحة والدها.. فيديو

قدم تلفزيون اليوم السابع تغطية خاصة حول الحالة الصحية للفنان عثمان محمد على، وقالت الفنانة سلوى عثمان ابنته، خلال مداخلة هاتفية لتلفزيون اليوم السابع: "الحمد لله بابا بقى كويس والموضوع اتلحق، هو راح المستشفى أول ما تعب والدكاترة لحقوا الجلطة، وقعد 3 أيام فى المستشفى، وخرج لكن الدكاترة قالوا انه محتاج راحة أسبوع وانتظام في الأدوية والنوم والغذاء الجيد، وخلال أسبوع هيكون كويس ويتحسن".

وتابعت "أشكر كل الناس اللى دعت لبابا وسألت على بابا، وشكرا للدكتور أشرف زكى ومنير مكرم واستاذة نهال، هما اهتمو ببابا جدا، وكمان أشكر كل الصحفيين والجمهور الكبير وحبه ودعائه ، لأنى اتأثرت جدا بحب الناس وكل زملائى الفنانين اللى سالوا عليه".

وأضافت تلفزيون اليوم السابع: "حب الجمهور مش شوية ، الفنان مش بكتر اعماله او كتر ظهوره في البرامج ، لكن بالبصمة التي يتركها وصدقه مع الناس ، والناس مقدرة انه فنان كبير وأى عمل بيعمله بيسيب بصمة".