ابنة الفنان عبد الرحمن أبو زهرة تكشف تطورات حالته الصحية: مش واعى أوى

كشفت الدكتورة منى عبد الرحمن أبو زهرة تطورات الحالية الصحية للفنان القدير عبد الرحمن أبو زهرة قائلة : الاسبوع اللى فات سقط سقطة بسيطة فى البيت وقام ومشى عادى بعدها وكان كويس لكنه بعد فحصه تأكد إصابته بكسر فى الحوض وبعد فحصه من قبل دكتور مخ وأعصاب، قال : عنده جفاف لان فعلاً فضل أسبوع رفض ضرب المياه.

وأضافت خلال مداخلة هاتفية خلال برنامج "كلمة أخيرة" الذى تقدمه الإعلامية لميس الحديدى على شاشة ON:الحالة تدهورت ونقل المستشفى وقطع تناول الأكل خمس أيام فاضطرت المستشفى تركيب أجهزة ضخ للطعام.

 واصلت: "مش واعى أوى باللى حواليه ومش متواصل معاهم كوبيس ومش بيتكلم مع اللى حواليه "، مطالبة محبيه بالدعاء له قائلة : اِدعوله يقوم بالسلامة.

 وحول إمكانية إجراء تدخل جراحى لعلاج كسر الحوض، قالت : المفروض فيه عمليه لكن حالته لسه مش مستقرة وممكن البنج ياثر عليه وبالتالى محتاج يتعافى شوية ويتناول الطعام عشان نحدد التدخل الجراحى هيكون أمتى.