رامى صبرى يوجه رسالة للشباب عبر برنامج "معكم" مع منى الشاذلى على CBC

وجه الفنان رامى صبرى رسالة إلى الشباب خلال لقائه فى برنامج "معكم"، الذى تقدمه الإعلامية منى الشاذلى، وقال: "الشباب الصغيرة اللى لسه معندهوش خبرة كتير لازم يركزوا في حياتهم وصحتهم وشغلهم ويوصل لهدفه وأى صديق سوء لازم يبعد عنه، وبشكر كل جمهورى اللى علطول بيتابعنى".

وخلال الحلقة تحدثت شيرين عادل زوجته عن بداية تعارفها برامى صبرى قائلة: "جوازنا مكنش تقليدى وبداية تعارفنا كنت مع صاحبتى وحبيبتى مى كساب، وكنا خارجين وقاتللى نروح نقعد في كافيه شوية، وبعدين قاتللى ايه ده رامى صبرى اهو".

وتابعت: "كانت مقابلة صدفة وهى وقفت سلمت عليه لأنهم أصحاب جدا، وانا واقفة بعيد شوية لانى معرفهوش بشكل شخصى، وراح جايلى وقالى ممكن اعرف اسمك ايه وقلتله شيرين وقالى الاسم ده انا بحبه جدا، ومن هنا كانت البداية"، ثم أهدى رامى صبرى لها 3 أغنيات خلال الحلقة هم، اغنية "تعالى"، وأغنية "عجبتنى"، وأغنية "أسيبك يومين".

أما رامى صبرى قال: "انا اتولدت في مصر ولكن عيشت في الامارات لغاية سن 12 سنة، وحبى للمزيكا كان واضح عليا منذ كان عمرى 4 سنوات، واضطر والدى ووالدتى ننزل مصر بسبب حبى للمزيكا عشان ادخل معهد موسيقى العربية".