برنامج راجل و2 ستات يناقش طريقة التعامل مع الزوج دائم الانتقاد.. شريهان أبو الحسن: "لما الست تفقد الثقة فى نفسها تدخل العلاقة نفقا مظلما".. هيدى كرم: "لازم نفرق بين الانتقاد الشخصى للست وإعطاء الملاحظات"

ناقش برنامج راجل و2 ستات المذاع على قناة  on، تقديم الإعلامية شريهان أبو الحسن والفنانة هيدى كرم والفنان سامح حسين، طريقة التعامل مع الزوج دائم الانتقاد، وعلقت الفنانة هيدى كرم: "لازم نفرق بين الانتقاد الشخصى للست وإعطاء الملاحظة، والراجل مسألش نفسه أكتر من مرة فى إعادة الطلب لزوجته، وممكن فى الحقيقة الزوجة متاخدش بالها من النقطة اللى بيقولها الزوج عليها".

وأضافت: "وهناك فرق ما بين الانتقاد فى أسلوب الزوجة وبين إعطاء ملاحظات ولازم نفرق ونضع خطا واضحا ما بينهما، ولو الملاحظة بشكل لطيف هتعدى، ولكن لو الشخص كل شوية ينتقد بشكل مستفز".

وقالت الإعلامية شريهان أبو الحسن: "الراجل الفاضى فى المنزل بيعمل قاضى على الست فى شغل البيت، وليه الراجل مش يساعد فى شغل البيت مع زوجته، فيه رجالة ليل نهار بتنتقد الست ليل نهار فى البيت، والبعض من الرجال بيكون قاصد الانتقادات للست بقصد لخبطة الحالة المزاجية لها".

وأضافت: "دراسة بأمريكا أجريت على 1734 مواطنا ومواطنة فى 18 ولاية لمدة خمس سنوات تؤكد بإن الانتقاد الدائم لشريك الحياة يدمر الحياة الزوجية ويعجل بوفاته، حتى فى حالة العيوب الحقيقية، ويصيب الانتقادات بجلطات لكلى الطرفين وبالأزمات القلبية، وتنصح الدراسة يجب أن تتوقف على انتقاد شريك حياتك ويؤثر سلبا على شريك الحياة، والرجالة بتيجى بالتشجيع وبيرفع الروح المعنوية لكلى الطرفين".

وقالت الإعلامية شريهان أبو الحسن: "لما الست تفقد الثقة في نفسها بتكون العلاقة ماشية في نفق مظلم، ولو الراجل طوال الوقت يتنمر على زوجته، وفى نفس الوقت بيبقى لطيف جدا مع كل الناس، وتروح البيت عاوزها هى والبيت على سنجة 10 وكل حاجة زى الفل".

وأضافت خلال برنامجها راجل و2 ستات المذاع على قناة on، تقديم الفنانة هيدى كرم والفنان سامح حسين: "لما الست تمشى على طراطيف صوابعها عشان مش تنتقد من الرجال، وهل الدافع إن الرجالة دول شخصية متسلطة ولا تربية خطأ؟، ولو الست تفقد الثقة فى شريك حياتها تبقى عارفة إنها ماشية فى طريق مظلم".

وعلقت الفنانة هيدى كرم : "لما يجى الراجل ينبه زوجته يعتبرها غريبة ومش عايشة معاه عشان لما تيجى تنتقده، وعارفين أنه فى الدنيا دى كلها مفيش حاجة هتمشى على مزاجى، ولما كنت بعيش فى بيت أمى كانت كل حاجة بتتعمل على مزاجى ولكن عجبانى، ومش الراجل يقعد حاطط رجل على رجل ويأمر وينهى".

وأضافت :"الضيوف هتيجى مرة هيبقى البيت على سنجة 10، وفيه رجالة بتمشى بتفحص البيت، ولو الست بتشتغل وعندها عيال توديهم المدرسة ولو كده قوم ساعد وبتحاول معاها ومفيش أى نتيجة وتعاون منها له حق الراجل ينتقد زوجته".