"واحد من الناس" يستعرض مأساة أم مع أبنائها وطردها من المنزل

عرض برنامج "واحد من الناس"، الذى يقدمه الإعلامى عمرو الليثى، عبر فضائية "الحياة"، قصة مأساة أم مع أبنائها وطردها.

وقالت الحاجة فرج الله، خلال لقائها بالبرنامج، إن عمرها 70 سنة وهى من شربين، وتوفى زوجها منذ 9 سنوات، ولديها 3 أولاد وثلاث بنات، مردفة:"عيالى الاتنين خدوا الأرض اللى كاتبها لى، ولا راضيين يسيبولى الأرض ولا الدار، ومرضوش يدولى فلوس، ولما مات أبوهم خدوا أرضهم كلهم".

وتابعت: "ابنى الكبير عادل والأصغر منه محمود، طلعونى من الدار وكسرولى السلم، وكسروا البرندا، وقفلوا عنى المياه والكهرباء، وبعدين رحت عند قرايبى أقعد عندهم شوية، وخدت غيارين وأولادى جابولى باقى هدومى، حسبنا الله ونعم الوكيل فيهم".

وتابعت وهى فى حالة بكاء شديدة: "ابنى قالى هدبحك والتانى قالى هقتلك، ورفعوا على قضية حجر، وكسبت القضية 4 مرات، أنا مش راضية ولو مت قلبى مش راضى عليهم". 

وقال سيد عدنان، إن والده عندما توفى تم توزيع التركة بشرع الله، ووالده ترك لوالدته فدان ونصف باسمها والمنزل، ونجليها معها فى المنزل وأخذوا الأرض والمنزل، موضحا أنهما طردوا أولاده وأمه، مستطردا: "ست 70 سنة وابنها الصغير رفع عليها طبنجة وقالها أقتلك والتانى يرن عليها على التليفون ويقولها هدبجك هتعمل ايه هي؟.. وأنا مهدد ومطرود من البيت".

من جانبه قال عادل عنان نجل السيدة فرج الله، خرج مداخلة هاتفية، خلال مواجهة الإعلامى عمرو الليثى له: "مينفعش الكلام يتقال على الهواء، متاخدش كلمتين منها وتصدقهم، وقول لأخويا سيد سيبت البيت فى أى ظروف، ومين وقع الخزانات، أمى عاوزة ترضى أخويا ومراته"، وتم غلق الهاتف على الهواء.