"راجل و2 ستات" يناقش لماذا تخسر المرأة النقاش أمام زوجها؟.. شريهان أبو الحسن للمتزوجين: "يجب حل مشاكلكم من بدايتها ماتسيبوهاش تتراكم".. هيدى كرم: "بحس أن الأصحاب الكتير مضيعة للوقت".. وسامح حسين: أخذ الحق حرفة

ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم والفنان سامح حسين، سؤال: لماذا تخسر المرأة النقاش أمام زوجها؟.

 وقالت الإعلامية شريهان أبو الحسن: "المشاكل كل ما تكبر ما بين الطرفين هيكون صعب مناقشتها بينهما، ولابد من حل المشكلة فى وقتها وبلاش التراكم، وهو فيه يوم بيعدى بين الطرفين دون ملاحظات، والمقارنة فعل غير مؤدب وغير محترم ما بين الطرفين".

وأضافت: "الست فى مواقف كثيرة جدا ترى إنها لها حق، والاثنين قلبهم على البيت ولكن الست حريصة ديما على البيت وعاوزة الأفضل دايما، وتكون سعيدة وتحقق إنجازات فى العلاقة، وبرجاء القليل من الهدوء وعدم زحام دماغك بتفاصيل كثيرة جدا". 

وعلقت الفنانة هيدى كرم: "لما الست تحصل ليها أكتر من حاجة مع زوجها وتطالب زوجها بالحديث عن هذه الأمور هل ده صح أم كل ما يحصل حاجة ما بينهما يتم حلها أولا بأول ويبقى الحوار صغير مكثف ما بين الطرفين، ولازم الراجل يسمع الزوجة بقلب مفتوح، وعدم تفاهة الزوج بمشاكل الزوجة".

وقال الفنان سامح حسين :" لو حاجة تستاهل بين الطرفين تتكلموا عليها، وفيه فرق ما بين الست فى المشكلة تستاهل أم لا والرجل هناك أمور تختلف فى المشاكل مع السيدات ولكل منها له نظرة مختلفة عن المشكلة".

وعلقت الفنانة هيدى كرم : "باحس أن الأصدقاء الكتيرة بتضيع الوقت، وتلاقى نفسك بتقعدى فى قعدات مش منتجة وملهاش معنى ومملة وفيها نميمة، وكمان بتنسحبى لحد عاوز يصرف فبتصرفى معاه، وتلاقى نفسك خرجتى برا الميزانية، وفى القعدات بتبقى عاوزة تجاملى".

وأضافت :"لما بروح أقعد بلاقى القعدة مش على مزاجى يحصل موقف مش لطيف، السنة الماضية تعرفت على ناس كتيرة جدا ودخلت فى حياتى صداقات كتير بعتز بيها".

وقالت الإعلامية شريهان أبو الحسن :" التعامل مع الأصدقاء أنا بكون مقررة، ممكن يكون القعدة لطيفة وتتعرفى على ناس جديدة ويفتحولك دائرة أوسع من الشغل وأى مكان، أو معلومة جديدة فى الحياة".

وأضافت :"لو عندى شلة مش هتعيد هبقى مرتبطة بيها ومش هعيد وهقعد فى البيت ولكن لو عندى أكتر من شلة هيكون هناك تنوع وانبساط ما بينهم".

وقال الفنان سامح حسين: "الست فى أى مكان بتحب تفضفض، حتى فى الشغل عادى، والست لما بتتناقش مع زوجها بتفتح أكثر من موضوع فى وقت واحد وبصوت عالى، أخد الحق حرفة والستات ضايعين فى الحرفة دى.

وقالت الإعلامية شريهان أبو الحسن: "الست بتحب الكلام وبتحب تفضفض والرجالة عارفة الكلام ده، والستات بتعرف الرجالة لا يفضلون الكلام كثيرا عن السيدات، ولكن لابد الطرفين مراعاة طبيعة الاخر، طول ما العلاقة بتكسب يكون الطرفين هينجحوا ولكن لو اتكسرت هيكون العلاقة هتتكسر".

وأضافت: اكثر الجمل اللى بتقلق العواطف للرجل، وتوتر الرجالة وهى "عاوزين نتكلم" تعتبر أكثر كلمة بتوتره، لأنهم عارفين الست دماغها مترتبة اكثر منه".

وتابعت:" هناك مشكلة عند فتح الست موضوع نقاش مع زوجها ويرد عليها بجملة ايوا انتى عاوزة ايه دلوقتى، ولازم الست تناقش الزوج فى ضرب الأمثلة فى حاجات الرجل عملها فى المنزل".

وعلقت الفنانة هيدى كرم : "الست فعلا مش بتبقى محددة وبنجيب الشامى على المغربى وبندخله فى لخبطيطة ويبقى بجد بيتوه الراجل اللى دماغه بتشتغل خط واحد لكن الست بتتكلم فى اكتر من خيط فى وقت واحد".