فنانات يتحدثن بمهرجان الأقصر للسينما عن تجاربهن فى اليوم العالمى للمرأة

ممثلات يتحدثن عن تجاربهن في اليوم العالمي للمرأة

جمال عبد الناصر - سارة صلاح - تصوير محمد فوزى

الثلاثاء، 08 مارس 2022 04:14 م

فى إطار الاحتفال باليوم العالمى للمرأة علي هامش فعاليات مهرجان الأقصر للسينما الأفريقية ضمن مشروع "فاكتور" خصص المهرجان مناقشة للحديث عن تحارب بعض الفنانات في الفن والحياة، حضر اللقاء الفنانات سلوى محمد على وبسمة وناهد السباعى، وأدار اللقاء المخرج هشام فتحى، لتتحدث كل فنانة عن التحديات التى تواجه كل امرأة تعمل.

وقالت سلوى محمد على:"تبقى مؤمنة بمهنتك و بتحترمى شغلك و تحترمى أدوارك المتعددة وتعشيها كويس يعنى أنا ربة منزل جوه البيت بعمل كل حاجتى كويس جدا وبتعامل مع ولادى وكل ست شاطرة أوى فى تعدد أدوارها لكن اللى معندهوش التعددية دى الراجل يعنى يبخته يروح البيت يلاقى كل حاجة جاهزة البيت نظيف و فى أكل والولاد مستحمين وشكلهم حلو الست هى اللى بتعمل كل ده".

وأضافت:" وأظن كل السيدات عاملات فى المجتمع المصرى و السيدة العاملة عندها تعددية فى الأدوار والتعامل مع أوقات يومها و بتعرف تنظم وقتها كويس إحنا فخورين بنفسنا و اللى بنعمله"، ثم طالبت سلوى من الرجاله المتواجدين فى القاعة التصفيق لكل السيدات بمناسبة يوم المرأة العالمى".

وتحدثت ناهد السباعى، قائلة:" بس أنا نفسى فى مجتمعات كتير تغير وجهه نظرهم عن البنت غير المتزوجه ليه بنفهم البنت و هى صغيرة أن أكبر إنجاز فى حياتها هو الزواج وده ياريت نبطله لا البنات بيبقى عندها ضغط عصبى وبتختار غلط و البنت لو ثقفت نفسها واتعلمت كويس اختيارها فى الراجل هيبقى مختلف عن يبقى من تحت ضغط عليتها وضغط المجتمع انها اتاخرت فى الزواج لو البنات فى مصر و مجتمعات كتير فهمت أن الزواج و الخلفة مش أكبر إنجاز فى حياتها ولكن أنك تبقى مثقفة و متعلمة ساعتها لما هتعرفى تختارى كويس ونفسى فى كل الدول اللى بتضغط على البنات عشان تتزوج بدرى أرجوكوا بطلوا تعلموا لان ده بيدمر البنات".

فيما قالت:"بسمة أنا لما بسترجع الأدوار اللى اشتغلت فيها بكتشف أن أغلب الادوار فيها نوع من أنواع تمكين المرأة وتقوية المرأة لان أنا بيكسر قلبى النظرة المجتمعية للمرأة أنها شئ و بيزعجنى كلمة أنا أنثى اذا أنا مجرد جسد و بالنسبة ليا بحاول قدر الامكان الادوار متبقاش للستات أقوياء ولكن لستات بيحصل لهم تطور ما".