شريهان أبو الحسن: الراجل زى الست بيحتاج يسمع كلام حلو من شريكة حياته

قالت الإعلامية شريهان أبو الحسن، إنه لابد أن يكون هناك نظرة احترام وتقدير من الزوجة إلى الزوج، وهناك العديد من النقاط التي حددها علماء علم النفس وعدد من الدراسات، من أجل الوصول إلى حياة أفضل.

وأضافت خلال برنامج "راجل و2 ستات" الذي يذاع على قناة "on": "العلماء حددت وقالت إن النقط اللي هتخلي حياتك أفضل مع زوجك، أولها أنك تبدي إعجابك بشكله وبوسامته وشخصيته، مش أنتي بس كست اللي محتاجة يتقالك أنتي شكلك حلو وخسيتي، ومالك انهاردة منورة ليه، دي حاجات هو كمان بيحتاج يسمع شبهها".

وقالت: "هو كمان محتاج يسمع إن البدلة هتاكل منه حتة، أو أنك تقولي له شكلك حلو وخاسس، فاكرين عبلة كامل كانت كل ما تشوف أحمد زكي تقوله (قمر.. بحب قمر) وقتها في أول الفيلم مكنش بيحبها، وآخر الفيلم أصبحت مهمة وأساسية في حياته، لأنها كانت بتحسسه إنه حد مهم، امدحيه كأب، وحسسيه إنه أب متميز ومش فاشل، دي واحدة من الحاجات المهمة جدا، وتشكري فيه قصاد الناس وقصاد أهله".