مفاجآت رمضانية على اليوم السابع.. رمضانك تفاعلى على اليوم السابع بـ "كيو آر كود".. أول جورنال تفاعلى فى مصر والوطن العربى.. " Interactive Journal " متعة معلوماتية بصرية رمضانية

اتعودنا دايما نقدم لكم كل جديد ومختلف فى عالم الصحافة.. قدمنا صحافة إلكترونية مميزة وكنا بفضل ربنا وبفضلكم رقم 1 فى مصر والعالم العربى.. قدمنا تليفزيون ديجيتال وكنا معاكم لحظة بلحظة فى كل الأحداث الكبيرة والصغيرة.. غير التقارير النوعية واللايفات اللى ترضى كل الأذواق.. ولأننا طول الوقت فى اليوم السابع بنفكر «هنعمل إيه» مش عملنا إيه.. ده بيخلينا دايما سابقين بخطوة وبنقدم الجديد.. دلوقتى ورمضان على الأبواب كل سنة وأنتم طيبين وبخير ومصر وجمهوريتنا الجديدة بألف خير، حبينا يكون الشهر الكريم بداية مشوار وتحدى جديد لـ«اليوم السابع» يثبت من خلاله أن الصحافة الورقية تقدر تطور وتواكب العصر الديجيتال بس بشوية أفكار جديدة.. علشان كده بنعلن عن انطلاق أول جورنال تفاعلى فى الوطن العربى أو زى ما هنسميه الـ IJ - interactive journal - .

 

 

يعنى إيه الكلام ده!! 

 

يعنى حنقدم لكم كل يوم ملف رمضانى، فيه مضمون متنوع وكأنه بالظبط خريطة برامج لقناة فضائية.. بس من خلال النسخة الورقية.. يعنى متابعينا من هواة القراءة واللى مبيعرفوش يكملوا اليوم غير لما يمسكوا النسخة الورقية ويقروها الصبح، حيلاقوا محتوى مميز ومختلف، وفى نفس الوقت متابعينا اللى مبقاش عندهم طاقة للقراية وبيفضلوا يتفرجوا على المحتوى هيقدروا يشوفوا كل المكتوب فى الجريدة الورقية صوت وصورة بمجرد ما يعملوا «سكان» لـ«كيو آر كود» الموجود على الصفحة، وبكده اللى بيحب يقرا حيلاقى واللى مكسل أو بيحب يتفرج ويعيش اللحظة حيلاقى. 

 

 

ميعادنا مع أول يوم رمضان إن شاء الله، وهنستنى آراءكم واقتراحاتكم ومشاركتكم من خلال أرقام تليفون صحافة المواطن فى «اليوم السابع» وصفحاتنا على السوشيال ميديا.. رأيكم أكيد يهمنا وبيكم بنكبر وبنطور.. وعلشانكم «اليوم السابع» دايما سابق بخطوة.