الفنان طارق لطفى يكشف كواليس اختياره لـ "جزيرة غمام" .. فيديو

قال الفنان طارق لطفى إنه لم يكن يتوقع ردود الأفعال الكبيرة من الجمهور على مسلسل جزيرة غمام، والتي جاءت كلها مشجعة وداعمة لفريق العمل بشكل كبير.

وأضاف خلال مداخلة هاتفية لتلفزيون اليوم السابع خلال تغطية حول نجاح مسلسل جزيرة غمام ، "ردود الفعل كلها داعمة لينا جدا ، واحنا لما بنعمل حاجة بجد ونجتهد الناس بتقف جنبا وتدهشنا ، انا كنا متخيل ان جزيرة غمام من الأعمال اللى مش محبب تكون في رمضان ، لأنه موضوع مختلف وتقيل ويجنح إلى الفلسفية وفيه تفاسير كتير ، والناس في رمضان عايزة حاجة سريعة مشوقة كوميدية ، لكن الحقيقة ان الجمهور بيبهرنا كل مرة ، بيقلنا انتو بتفكروا غلط  ، اعملولنا حاجة كويسة بس واحنا هنشجعكم وهنكون فى صفكم"

ووجه الفنان طارق لطفى الشكر للسيناريست عبد الرحيم كمال وقال " أنا بشكره على النص الرائع جدا اللى كتبه ، وأنا متأكد أنه هيبهرنا فى المستقبل أكتر"

وسرد الفنان طارق لطفى تفاصيل اللقاء الذى جمع بينه وبين عبد الرحيم كمال والذى اتفقا فيه على العمل وقال "عبد الرحيم كان بيعمل مسلسل تانى خالص غير ده ، وأنا كنت بعمل مسلسل تانى برضه ، والتقينا بالصدفة فى شركة الإنتاج ، عبد الرحيم قالى أنا مش هكتب اللى تعاقدت عليه ، وعندى حاجة تانية متحمس اعملها حتى لو مش السنة ديه وقصتها كذا وكذا ، وأنا كنت قاعد ، قلتلهم وأنا مش هعمل الموضوع اللى هعمله وهعمل جزيرة غمام ، ومن هنا حصل تحمس وكلنا اجتهدنا وموتنا نفسنا عشان المسلسل يطلع السنة ديه".