بعد تقبيل ماكرون يدها: فرح الديباني: "لم أتوقعها خالص ومتأثرة باللحظة دى"

كشفت مطربة الأوبرا المصرية العالمية فرح الديباني التي أحيت احتفالية فوز إيمانويل ماكرون بانتخابات الرئاسة الفرنسية تفاصيل مشاركتها في الحفل.

وعن صورة تقبيل الرئيس الفرنسى إيمانويل ماكرون بعد تولى فترة رئاسية ثانية ليدها: " مكنتش متوقعاها خالص وأنا متأثرة باللحظة دي، وفي المسرح مكنتش حاسة بيها ولما شوفتها في المواقع والميديا حاسة انها حاجة شرف لي".

وتابعت خلال مداخلة مع الإعلامى يوسف الحسنى عبر برنامج التاسعة المذاع على القناة الأولى المصرية : "فريق الرئاسة للرئيس ماكرون كانوا بيجهزوا للحدث، وحد منهم يعرفني رشحين أغني النشيد الوطني، وكلموني قبلها بيوم، وقالولي بعد الانتخابات عاوزينك تغني النشيد الوطني".

وأضافت: " أنا هنا على طول عملت بروفة امبارح قبلها بـ 5 ساعات ولحد الساعة 8 كانت النتيجة طلعت وكنا قاعدين على قلبنا ومش عارفين ايه اللي هيحصل والموضوع مكنش مرتب خالص، و والفكرة جت لحد من فريق الرئاسة ومنظمي الاحتفال، وهو يعرفني كمغنية واقترح على ماكرون وزوجته أني أغني وهم وافقوا جدا".

وأكدت: " أنا مش عارفة ازاي ترتيب اليوم حصل، و كان حدث نفسيا مش سهل خالص، وأنا مكنتش في باريس وكنت في سويسرا ونطيت في قطر وجيت على طول، ولو كنت برة أوروبا كان هيبقى صعب، ودرست موسيقى الأوبرا في برلين".