الرئيس السيسى بـ إفطار الأسرة المصرية: قارنوا بين الوضع اللى احنا فيه دلوقتى والدول التى دخلت نفس المسار.. مستعد آكل ربع أكلة لمدة سنة بس مصر تعيش.. وهدف مسلسل الاختيار تسجيل ما حدث فى تلك المرحلة بصدق وأمانة

قال الرئيس عبد الفتاح السيسى: "إنه قبل الانتخابات الرئاسية وفى عام 2011 خلال اجتماع مع المجلس العسكرى، قلت بلد بالإخوان ولا مفيش بلد، فزملائى في المجلس العسكرى نظروا لى، وربنا ألهمنا بقدرة على التمييز"، متسائلا: "كان البديل إيه؟".

وأضاف الرئيس عبد الفتاح السيسى، خلال حفل إفطار الأسرة المصرية: "أنتوا شوفتوا حاجة واضحة وصريحة، تهديد حقيقى ومباشر".

وتابع الرئيس السيسى: "بعد أن تم تشويه الجيش لمدة سنة ونصف، وقتل الناس في ماسبيرو، والمجمع العلمى وبورسعيد، والتشويه الذى استمر لمدة سنة ونصف، كان يحدث اقتتال تروح فيها مصر، وممكن يروح فيها الجيش".

وقال الرئيس السيسى: "قارنوا بين الوضع اللى نحن فيه دلوقتى والدول التي دخلت في هذا المسار، فمن منهم من نجا؟.. مصر، بس ليه، فموضع (ادخلوها بسلام أمنين) موجود في 3 مواضع لمصر والجنة والكعبة فقط، يعنى في يد اللطف، والمعونة تساعدنا، وربنا يظل يساعدنا، ويا رب نضع الصور جنب بعضها بصحيح بالواقع التى مرت به مصر خلال الـ10 سنوات وتظل هذه الصورة أمام أذهاننا".

وقال الرئيس عبد الفتاح السيسى: "هقول لكم كلمة صعبة لكم جميعا، أنا مستعد آكل ربع أكلة لمدة سنة بس مصر تعيش".

وأضاف الرئيس السيسى أن الشعب المصرى صلب أوى، وفاهم بتكلم عن الناس البساط في الشارع، وأنا واحد منهم.

وقال الرئيس عبد الفتاح السيسى، إن الهدف من مسلسل الاختيار تسجيل ما حدث في تلك المرحلة بشرف وإخلاص وأمانة، وتابع: "الهدف منه أن نسجل بأمانة وإخلاص وشرف في وقت ينعدم فيه الشرف والصدق.. احنا بنزايد كتير.. كل كلمة اتقالت في الوقت ده مع الناس الكبار كان بمنتهى الدقة وده اللى حصل".

وأكد الرئيس السيسى أن الصدق والأمانة والإخلاص هو سبب النجاح والتغيير الذى حدث في 2014، وتابع: "هل معقول أن حد يكون مختلف مع حد يساعده.. لا يوجد تآمر ولا خيانة وعدم إخلاص.. والإخلاص كان لله والوطن ده اللى ميتحملش أكتر من كدة".

وأكد الرئيس السيسى أن الإخلاص والأمانة والشرف من أجل بناء وحماية وطن، وتابع: "يوم القيامة هنقف أمام الله ونُسأل كلنا بما فيهم أنا عن كل كلمة، وكل فعل في الفترة المهمة دى".

وأشار الرئيس السيسى إلى أن الناتج المحلى المقدر تحقيقه في عام طبقاً لحسابات طبقا لمؤسسات التصنيف في الوقت كان بتقول أن مصر هتعمل 8 تريليون جنيه حتى 2015، أي 475 مليار دولار وده كان الرقم المتحقق، وتابع: "معدل دخل الفرد طبقاً للنتاج المحلى أكثر من 2000 دولار وكان مقدر في 2015 أن يكون 4 آلاف دولار.. طيب النتيجة أيه الاحتياطي خلص والذى تم بناؤه ونسبة البطالة وصلت لـ14%، وبالمناسبة ماكنش حد يقدر يحل ده خالص.. لو كان الفريق أحمد شفيق نجح كان ممكن ينجح بالموضوع بالتحديات الموجودة دى طيب أي حد تانى بما فيهم أنا؟ لا.. لكن لازم تعرفوا وأنا بقولها للتاريخ.. لولا تدخل الأشقاء العرب بعشرات المليارات من الدولارات في 2013 و2014 لم تكن لمصر قائمة حتى الآن".

وأردف الرئيس السيسى: "هو الكلام ده يزعل.. هى المواجهة الحقيقة تزعل.. مش لازم تعرفوا إن اللى ربنا حققوا ليكم لازم تمسكوا عليه.. ولا تانى احنا في 2011 ربنا سترها ونجانا وفى 2013 كذلك وفى أزمة كورونا كذلك واحنا في 2022 في الأزمة الأوكرانية أأكد لكم ربنا هينجيها.. مش أنا ولا أنتم".