الرئيس السيسي: الأرقام الواضحة لينا والكاشفة أن الدولة المصرية في 2011 و2012 خسرت 37 مليار دولار و80 مليار جنيه

قال الرئيس عبدالفتاح السيسي إنه على مدار سنوات مضت كانت التحديات عظيمة ولكن نجاحاتنا في اجتيازها كانت أعظم، وتابع: "أنا هتكلم هنا عن بعض الأرقام اللي ممكن تكون واضحة لينا كمصريين في مناسبة كريمة زي اللي احنا موجودين فيها واقول لكم إن إحنا في مصر في أحداث 2011 و2012 حقول أرقام والأرقام دي كاشفة وانا مش هتكلم على 2013 و2014 و2015 لغاية ما نحن فيه الآن لكن أنا بذكرها دلوقتي يمكن حد يقول هو ساقها ليه".

وأضاف الرئيس السيسي خلال حفل إفطار الاسرة المصرية: «انت بتتكلم في المواضيع دي ليه .. أنا بتكلم في أسباب ما نحن فيه وبوصف حالنا اللي احنا محتاجين دايما نتذكره ونعرف دايما أسباب الأزمة الكبيرة مش اللي موجودين فيه دلوقتي واللي اتعرضت له الدولة المصرية خلال تاريخها الحديث وليه هي كده ومنزعلش من الكلام ده لكن هقول لكم على الأقل في 2011 و2012 الأرقام دي هو حجم الخسائر اللي تعرضت ليها الدولة المصرية خلال فترة اقل من 24 شهر، وأنا هتكلم على مؤسسات الدولة المصرية خسرت 37 مليار دولار و80 مليار جنيه وكان ساعتها الدولار كان بـ 8 جنيه».