أنوشكا: ردود الأفعال على "راجعين يا هوى" حلوة أوى وأول ما قرأت الشخصية كنت قلقانة

تحدثت الفنانة أنوشكا عن مشاركتها في مسلسل "راجعين يا هوى" في مداخلة هاتفية في برنامج "رمضان ويانا" المذاع على نغم أف أم خلال شهر رمضان قائلة: "الحمد لله من بداية رمضان ربنا كرمنا وردود الأفعال حلوة أوي علي مسلسل راجعين يا هوى، والسنة دي في المسلسل بعمل كوميديا الموقف والمسلسل مش كوميدي وفى رسائل عميقة".

وأضافت أنوشكا: "أول ما قريت الشخصية كنت قلقانة لأني عملت 2 رمضان ورا بعض وببقي مبسوطة لما حد يحس باختلاف".

واختتمت انوشكا حديثها: "أنا هعتبر أستاذ أسامة انور عكاشة الغائب الحاضر، وفي بدايتي خفت اشتغل في مسلسل له، وأنا شخص بحترم كل القديم وخصوصا لأن شغلهم عايش لحد دلوقتي، وكواليس المسلسل رائعة ومستمتعة بأداء زملائى وأنا بشتغل معاهم زى خالد النبوى".

راجعين يا هوى من بطولة خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، مصطفى درويش، والمسلسل من تأليف محمد سليمان عبد المالك، وإخراج محمد سلامة.