سلاح حسام حبيب وأموالها ومؤهلها الدراسى.. شيرين عبد الوهاب تجيب بصراحة على أسئلة جمهورها.. فيديو

فى الفترة الأخيرة  تحرص النجمة شيرين عبد الوهاب على التواصل مع جمهورها بشكل مباشر عبر ستورى "إنستجرام" الخاص بها

كشفت النجمة عن بعض التفاصيل حول خلافها مع طليقها حسام حبيب وأشارت أن حسام حبيب لم يستولى علي أموالها فى أى وقت من الأوقات

وقالت:" حق الله حسام عمره ما أخد منى فلوس ولا استفاد منى ماديا بل بالعكس تماما أنا ما عرفتش أحوش فلوس ليا غير لما  أتجوزت حسام عشان كان بعكس اللى بيتقال تماما وهو كان بيحافظ علي مالى ودى صراحة عشان دى حاجة هتسئل عليها قدام ربنا"

وحول حقيقة تهديده لها بالمسدس قالت: "طبعا لا إيه ده؟ إزاى يتقال كده  وبرده دى شهادة هتسئل فيها قدام ربنا"

كما كشفت عن بعض التفاصيل حول دراستها ودخولها مجال التمثيل، قائلة: "للأسف لسه مخلصتش دراسة فى أكاديمية الفنون عشان الدنيا خدتنى والشغل خدنى"

وعن دخولها مجال الفن: وهل ندمت على ذلك قالت:  " بصراحة ساعات بس الندم  ملوش علاقة بالفن بس ليه علاقة  بالمشاكل اللي بتيجى بسبب الشهرة  كل مجال ليه إيجابيات وسلبيات" فيما نفت إجراءها  أى عمليات تجميل فى أنفها