جابر القرموطى يكشف كل أسراره: بحط الكمامة وبركب المترو والأتوبيس يوميا عشان بحب أعيش وسط الناس.. بيقولوا عليا مجنون عشان كل يوم لازم أنزل أأكل قطط الشارع حتى لو الفجر.. وكورال الفلاح هيبقى عالمى في 2025

قدم تليفزيون اليوم السابع حلقة خاصة استضافت خلالها الزميلة شروق وجدى الإعلامى والكاتب الصحفى جابر القرموطي، الذى كشف الكثير من أسرار حياته الشخصية والمهنية وأحدث مشاريعه وهو كورال الفلاح.

وقال الإعلامى الكبير جابر القرموطى أن كورال الفلاحيأتى من عمل فريق كبير وهو يضم أطفال أعمارهم تبدأ من 4 سنوات ونصف موضحا أن أولياء الأمور يساعدون وبشكل في نجاح هذا المشروع.

وتابع: أحنا دلوقتى بنتجه نحو النجاح.. لكن ما نجحناش.. ولازم نحاول ونتعب أحنا أشتغلنا على الفكرة ديه بكل قوة.. ومهم جدا يبقى عندنا منتج مصري للأطفال لأن حاليا المنتجات الخارجية بتصدر أفكار غريبة عن مجتمعنا.

وأضاف الإعلامى جابر القرموطى أنه سعيد جدا بالتجربة الإعلامية التي يعيشها حاليا، موضحا أنه يشعر بنجاح تجربته خصوصا أنه يحاول من خلال برنامجه الجديد مساعدة الناس.. قائلا: بحب أكون دايما وسط الناس.. وبستغل فكرة الكمامة وبلبسها عشان أركب المترو والأتوبيس والميكروباص.. بمشى من بيتى في مصر الجديدة لحدائق الزيتون.. وبركب المترو لمحطة الإسعاف وأرجع تانى.

وحكى الإعلامى جابر القرموطى أنه حكاية بالصدفة جمعته بقطة غيرت حياته.. فهو وجد شخص يحبس قطة بشكل غير جيد.. فقام بشرائها.. وكتم دموعه وهو يقول: القطة ديه غيرت حياتى.. علمتنى نوع آخر من الرحمة.. وأصبحت أتعامل مع قطط الشارع بنفس الطريقة.. ولازم كل يوم بعد الفجر أنزل أأكل قطط الشارع.. لدرجة أن بعض سكان العمارة بيقولوا عليا مجنون.. أنا ماشى بشنتطي الشخصية فيها أكل للقط.. ولما يقابلونى في الشارع لازم أقف أأكلهم.