مصطفى عسل: بخرج نفسى من جو المباراة قبل الماتش بالقرآن والبلاى ستيشن وويجز

قال مصطفى عسل بطل العالم فى الاسكواش: "كان المشهد صعب جدا ومؤثر جدا لأن الناس ما تعرفش كثير إنى أمى بتبقى معايا وإنها تدخل الملعب وأنا فوجئت وافتكرت إن اللى بيخبط عليا حد غير أمى وهى ممنوع تدخل الملعب".

وأضاف خلال مداخلة مع الإعلامية ندى رضا ببرنامج من مصر المذاع على قناة سى بى سى: "وهى قالت إنها لو الموقف تكرر لن تدخل الملعب ووالدى كان بيشدها ويقولها ممنوع أصلا تنزلى الملعب وفوجئت إنها بتنزل الملعب وبتعيط".

وتابع: "البلاى ستيشن وويجز قبل الماتش بحاول أطلع نفسى من توتر الماتش وبقرأ قرآن ساعة أو ساعة إلا ربع ووببقى بخرج نفسى من جو الماتش".

وأكمل: "أنا عندى 21 سنة ومش عاوز أبص لسنى وعاوز دايما أكمل وده اللى اتعودت عليه فى النادى الأهلى والحمد لله رقم واحد دى حاجة كبيرة بالنسبالى وده مش كفاية وإن شاء الله نكمل".