مصطفى حجاج يطرح أغنية "زحمة حياتى" بتوزيع جديد

طرح المطرب مصطفى حجاج أغنية جديدة تحمل إسم "زحمة حياتى"، وحملت النسخة الجديدة من الأغنية توزيع جيتار جديد للأغنية لينهى بها أغنيات ألبومه الجديد "ياباى"، والأغنية من كلمات صابر كمال، وألحان شريف بدر، وتوزيع وسام عبد المنعم، وميكس وماستر وتسجيل هاني محروس، وسبق تقديم أغنية "زحمة حياتى" من حوالى 7 سنوات منذ إنطلاقة حجاج فى الغناء.

وجاءت كلمات الأغنية كالتالى:

قدرتي تفرطي في واحد بمال الدنيا يتاقل

صحيح الذنب كان ذنبك لكني بردة أتساءل

علشان فوت على عقلي حاجات ماتفوتش على عاقل

ما بين زحمة حياتي إزاي قدر حبك يلاقي ممر

لقيتك زي موج طايش سحبني عليه وغطى البر

وكل ما كنت أقول هرجع كل ما كنت ليه أتجر

ومن وقت أما ليه خدني مساقش عليا غير الشر

ولو حبك في يوم فادني فبردة مفادش قد ما ضر

ومين عاش اللي أنا عيشته ومش هيخيل عليه غشك

قدرتي توصلي قلبي يكدب نفسه ويحسك

سواد قلبك كتير لكن بيتدارى في بياض وشك

ما بين زحمة حياتى إزاي قدر حبك يلاقي ممر

لقيتك زي موج طايش سحبني عليه وغطى البر

وكل ما كنت أقول أرجع كل ما كنت ليه أتجر

ومن وقت أما ليه خدني مساقش عليا غير الشر

ولو حبك في يوم فادني فبردة مفادش قد ما ضر.

يذكر أن الفنان مصطفى حجاج كان قد طرح أغنية “حب مين” على موقع يوتيوب من كلمات وألحان عزيز الشافعي، وتوزيع وسام عبد المنعم، وميكس وماستر وتسجيل هاني محروس.