جيهان خليل: أول عريس اتقدم ليا وأنا عندى 13 سنة وبحب الراجل اللى بيبهرنى

فى حلقة جديدة من برنامج "ع الرايق" حلت الفنانة جيهان خليل، ضيفة على البرنامج مع الزميلة سارة صلاح، والمعروض على تليفزيون "اليوم السابع"، وخلال الحلقة أجابت على مجموعة من الأسئلة بشكل كوميدى، ومنها أكتر حاجة بتخليها رايقة، وأمنية تمنت تحقيقها، وهى صغيرة، وأول عريس أتقدم لها.

وقالت جيهان خليل:" أكتر حاجة بتخلينى رايقة كذا حاجة ممكن بعد ما أعمل مشهد حلو أوى ببقى مبسوطة ورايقة والقاعدة قدام التليفزيون في الشتاء مع السحلب والشيكولاتة السخنة بردوا ده بيخلينى رايقة".

وهل بيلفت نظرها في الراجل وسامته ولا فلوسه، ردت قائلة: "والله كده لما اتجوز هتعرفوا الاختيارات بتاعتى وهتفهموا أنه مش فلوسه بحب الراجل اللى عنده حاجة مبهرة في رأسه زى الرسام أو المخرج أو الفنان أو كاتب، وأول عريس أتقدم ليا وأنا عندى 13 سنة وكنت طويلة وشكلى كبير حد شافنى وبعت أهله يتقدموا ليا في البيت ماما قالت لهم جواز ايه اللى هتجوزه "المفعوصة" دى".

وشاركت جيهان خليل في رمضان الماضى في مسلسل "العائدون" بطولة أمير كرارة، أمينة خليل، محمود عبد المغنى، أحمد الأحمد، رشا بلال، ميدو عادل، إسلام جمال، مايا طلام، نبيل عيسى، محمد عز، وهاجر الشرنوبى، وصبرى عبد المنعم، وعدد كبير من ضيوف شرف، منهم محمد ممدوح، محمد فراج، تأليف باهر دويدار، وإخراج أحمد نادر جلال وإنتاج شركة "ميديا هب سعدى – جوهر".