"بساعده لأنه موهوب".. رامى جمال يتحدث عن تعاونه مع "المطرب النقاش".. فيديو

على مدار الأيام الماضية، انتشر فيديو لشاب يدعى "أحمد سالم" يعمل فى النقاشة وهو يغنى "بكرة يا حبيبى" للمطربة وردة، وتفاعل معه العديد من المشاهير وعلى رأسهم المطرب رامى جمال الذى وعده بالغناء معه وإنتاج أغنية له.

تحدث الفنان رامى جمال، عن أحمد سالم المطرب النقاش وموهبته ومشروعه المقبل معه، من خلال فيديو عبر حسابه على إنستجرام.

وقال رامى جمال: "عايز أتكلم عن القبول اللى ربنا كتبه للفنان أحمد سالم، فنان بدرجة مشفتهاش فى حياتى غير مرتين تلاتة، أحمد أنا شايف القبول اللى ربنا كتبه والحب اللى أنتوا حبينوا لى فرحان جدًا أن ما زال الصوت الحلو والفن الحقيقى الناس بتحبه وبتدعمه".

وتابع فى حديثه: "فى ناس كتير وفرحانة إنى بساعد أحمد أنا مش بساعد أحمد، أنا بساعد نفسى كفنان وملحن ومطرب، والوسط الفنى لما يبقى فى فنانين زى أحمد بترتقى بالذوق العام ودى حاجه محتاجينها كلنا".

وأضاف: "واتعلمت فى بيت أهلى أن الفرصة لما بتيجى لحد بتبان إن ربنا اللى بعتها، وممكن أنا أحاول أسهل على أحمد مشواره فى الفن، ودى حاجه تخلينى فى قمة سعادتى، وفى ناس بعتت تقولى أنت بتساعد أحمد عشان التريند دى مش شخصيتى ولا هتكون شخصيتى اللى بعتولى كده أكيد موهوبين كل واحد جاى لى فرصة، فرصكوا كلها جاية، وأحمد غنى هو بيشتغل رجل نقى بعد سنة ونص والفيديو ينتشر".