طبيب "شيرين": تربطنا علاقة عائلية قديمة وظهورها حليقة الشعر "قمة الثقة"

قال الدكتور نبيل عبد المقصود مدير قصر العينى الفرنساوى سابقا، والمتخصص فى علاج السموم والإدمان، الطبيب الخاص بالنجمة شيرين عبد الوهاب الذي قبلت يده بمهرجان قرطاج بتونس: شيرين بتتكلم وبتعمل أي شئ بشكل عفوي ومفيش حد دلوقتي بيعمل كده، موجها نصيحة لها قائلا: العفوية حلوة بس فى الزمن اللي إحنا فيه مش كل الناس تفهمك ، ممكن الناس تقولك خاصة إنتي شخصية عامة والشخصية العامة الناس بتبصله وتحسب كلامه.

وعلق عبد المقصود فى لقائه ببرنامج "أهلا بيك" المذاع على تليفزيون اليوم السابع، حول ما إذا كانت شيرين مظلومة في علاقتها بالجمهور قائلاً : شيرين فيها حاجة غريبة جداً وهي إن في كل ظروفها الناس بتحبها ، لما تغني وتضحك الناس تحبها، ولما تغني وتزعل الناس تحبها، ولما حلقت شعرها وظهرت الناس تفاعلت معاها برضو وحبتها"، متابعاً : ظهور شيرين وهي حليقة الشعر قمة الثقة في نفسها لأن أنا لو حلقت لحد أقرع مش هيظهر أساسا".

وقال عبد المقصود: "شيرين مرت بظروف صعبة أوي ومتلاحقة ودا أثر عليها وكلنا بني آدمين وأيي حد بتقابله مشكلة ورا مشكلة بيبقي ليها تأثير عليه مهما كان الإنسان جبل".

وأضاف "شيرين" أعرفها من زمان أوي وكانت بتربطني بيها علاقة عائلية وأسرية وكنت عارف بمشاكلها كلها لكن متدخلتش غير لما طلبت مني ، ولازم أساعدها بكل ما أوتيت من قوة، وهي مش دورت على طبيب سموم وأدمان وراحت ليه لأ أنا أعرفها من زمان.

برنامج أهلا بيك يقدمه تامر إسماعيل، ويذاع أسبوعيا على تليفزيون اليوم السابع، وأعد هذه الحلقة محمد محسوب.