دينا عبد الكريم بـ"شغل عالى": "مظهرك عنوانك" أول رسالة تواصل بينك وبين الناس

تحدثت الإعلامية دينا عبد الكريم فى حلقة اليوم من برنامج "شغل عالى" الذى تقدمه على قناة "cbc" عن أهمية المظاهر مهمة، ومن كتر ما قالوا لنا المظاهر خداعة، حصل لنا حالة من عدم الاهتمام بالمظهر ودا ليس له علاقة بالفلوس أو الغناء والفقر حيث نجد شخصا لديه طقمين فقط لكنه بيعرف يظبطهم عليه ويلبسهم كويس جدا ودا يخلى مظهره جيد. 

وأضافت الإعلامية دينا عبد الكريم: "مظهرك دا هو أول رسالة تواصل بينك وبين الناس، ولازم تهتم بمظهرك لأنه بيعطى انطباع عنك، ولو عايز بعد 5 سنين تكون شخص ما لازم دولابك يكون فيه ملابس متشابه للعمل الذى تريده".

وتابعت: "القواعد العامة للتواصل مع الناس، هو أزاى مظهرك اللى هو عنوانك يكون شكله حلو ومحايد، يعنى لازم ترتدى ملابس الناجح وهذا الأمر ليس له علاقة بالماديات، وليس مربوطا بالغناء أو الفقر، لازم يكون ملابسك نظيف دايما ومكوية دايما وألوانها محايدة وليس مزعج، وأنا رايح أتقدم للشغل ميكونشى ملابسى مقطعة أو شعرى شكله غريب ويكون شكلك محايد وشعرك يكون مهندم". 

وأكدت: "الصندل المفتوح بتاع البنات مكانه فقط الخروجة السوارية فى العشاء وليس له علاقة بالشغل، ولما نلاقى شاب جميل وشكله مهندم أول شيء تنظر إليه المرأة حذائه، وكل تلك التفاصيل مهمة للتقديم للعمل، والمظهر جزء من النجاح وهو يساعد على النجاح، والبس زى ما تكون عاوز غدا".