فارس: رامى صبرى وأحمد سعد اشتغلوا معايا ومش بيكلمونى دلوقت

حل المطرب فارس ضيف علي تلفزيون اليوم السابع مع الزميل علي الكشوطي رئيس قسم الفن باليوم السابع، وقال إن هناك عدد من الفنانين أتصلوا به لتهنئته على عودته للغناء بعد غياب وصل إلى 14 عاما، ومنهم حميد الشاعري ، إيهاب توفيق، أحمد جوهر، مصطفى كامل.

وأضاف فارس "الأجيال الجديدة كلهم كانوا شغالين معايا في الفرقة زي أحمد سعد، ورامي صبري بس محدش كلمني منهم لأن هما دلوقتي مشغولين في حياتهم وربنا يكرمهم بتمنى لهم كل الخير من قلبي ويمكن يكونوا مش عايزين يشوفوني عشان ميفتكروش بداياتهم، وأنا مش عايز منهم حاجة انا عاملتهم كويس جدا وعملت شركة إنتاج اللي انتجت أغنية بنت بلادي وسحر عنيك علشان أنتج لأحمد سعد ورامي صبري".

وعاد المطرب فارس، نجم فترة التسعينيات، للغناء بأغنية جديدة طرحها عبر قناته على يوتيوب بعنوان "عصبى" بعد غياب سنوات، كلمات وائل توفيق وألحان محمد قماح وتوزيع محمود صبرى وميكس وماستر ساندو.

وتقول كلمات الأغنية:

عصبي متزعليش

ببقى ليه كده متعرفيش

بس وانا جنبك متخافيش

انا مأذيكيش ..

ده كلام بيجيب كلام

بنعاند ليه بقى و يحصل خصام

وبعد كل ده بنرجع اوام

واحنا بنا غرام..

وشارك فارس حفلة القرن وهى الحفل التى تجمع بين عدد كبير من مطربى الثمانينيات والتسعينيات والتى كانت في عام 2017، ومن أبرزهم محمد الحلو، وحسام حسني، ومحمد محيي، وسيمون، وأحمد عدويه، والراحل على حميدة.

وكان المطرب فارس قد طرح آخر أغنية له في 2015 أغنية بعنوان "ست البنات"، وذلك بعد اختفاء دام لأكثر من 7 سنوات، وتقول كلمات الأغنية: "ست البنات لو تسمح تفتح قلبها المقفول.. يا إما عن اللى هيجرى منى هبقى مش مسئول.. ف خدودها غمزتين آهين لو اتشافوا.. ضحكتها بتزيدهم جمال بشكل مش معقول".