وفاء عامر: ابنى اتهدد بالخطف مقابل فدية 50 ألف دولار وقت الثورة

روت الفنانة وفاء عامر كواليس الفترة الصعبة التي عاشتها، بعد تلقيها تهديدا باختطاف ابنها، في حال امتناعها عن دفع مبلغ مالي كبير.

وقالت وفاء عامر خلال حوارها مع الإعلامي عمرو الليثي ببرنامج "واحد من الناس" المذاع عبر قناة الحياة: وقت الثورة وصلتني رسالة نصية تقول 50 ألف دولار وإلا ستفقدين ابنك في ظل الانفلات الأمني، والسلاح الآلي سيد الموقف.

وأضافت: "بقيت مش عايز أنزله المدرسة، ولا يبص من بلكونة، وكنت خايفة عليه وعلى أبوه وكل العيلة، وركبت باب حديد للشقة، وكنت أنا اللي أفتح لو الباب خبط".

وتابعت: "الحقيقة ابني كان أشجع مني، وراجل جدع زي أبوه، ومن حبه للمدرسة صمم ينزل".

وردا على سؤال كيف مرت عليك ظروف خضوع ابنك لعملية جراحية في عينه؟ قالت: "كنت مسلمة أمري لربنا، وإحنا عندنا دكاترة محترمين نصحوني بعدم عمل العملية في لندن لإن العين هتتظبط لوحدها، وفعلا بعد ما سافرنا وصرفنا في لندن العملية باظت، وابني بيتعالج عندهم حاليا".