شاهد.. إيمى سمير غانم وحسن الرداد قبل ولادة نجلهما فادى

تداول رواد موقع "إنستجرام"، صورة للنجمة إيمى سمير غانم مع زوجها النجم حسن الرداد أمام المستشفى وقبل ولادة طفلهما الأول فادى، ورزقت النجمة إيمى سميرغانم بطفلها الأول فادى منذ أسبوعين يوم 2 يناير ونفس يوم عيد ميلاد زوجها.

إيمى سمير غانم و حسن الرداد

وهنأت إيمي سمير غانم، زوجها الفنان حسن الرداد بعيد ميلاده الذى يوافق 2 يناير، وذلك عبر حسابها الشخصي بموقع تبادل الصور والفيديوهات إنستجرام وكتبت إيمى سمير غانم: كل سنة وأنت طيب يا أحلي وأجمل حسن، مهما كتبت عنك مش هقدر الاقي كلام يوصف ما شاء الله حبي ليك ربنا يحفظك وينجحك وتعمل كل اللي نفسك فيه".

وروى حسن الرداد أثناء استضافته من برنامج "صاحبة السعادة" موقفا كوميديا مع زوجته الفنانة إيمي سمير غانم قائلا: "أنا طول عمرى ما بحبش الحيوان اللى حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان، أما القطط أبقى في مكان ألاقى قطة ترعبنى فجأة، وأروح أي مكان ألاقى القطة تسيب الناس وتقعد جنبى".

وتابع أثناء استضافته خلال برنامج "صاحبة السعادة" مع إسعاد يونس: "ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لى واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعا، ده أنا كنت بقول لبابا كده إن هو والكلاب أكتر حاجة بحبها في حياتى".