الرئيس السيسي يشاهد فيلما تسجيليا عن "غرفة عمليات" وزارة الداخلية

شاهد الرئيس عبدالفتاح السيسي، فيلمًا تسجيليًا عن جهود غرفة عمليات وزارة الداخلية، خلال الاحتفال بالذكرى الواحدة والسبعين لعيد الشرطة بمجمع المؤتمرات بأكاديمية الشرطة بالقاهرة الجديدة، والذي يوافق 25 يناير من كل عام.

غرفة عمليات وزارة الداخلية عبارة عن خلية نحل تعمل 24 ساعة، مهمتها حراسة كل شبر في مصر.

وكان الرئيس عبدالفتاح السيسي، وجه الشكر للفنانين المشاركين فى العرض الفنى خلال احتفالية عيد الشرطة الـ71.

قال الرئيس السيسي: "بشكر المجموعة كلها.. وعايز أقولكم إننا محتاجين اللى انتوا عملتوه ده.. لو طلع حتى مسلسلات كل مسلسل 5 حلقات لكل شخصية من الشخصيات اللى انتوا ذكرتوها هتعرفوا الناس أن البلد دى طول عمرها ولادة للأبطال والرجال اللى الظروف قدمتهم، بس الناس ما تعرفهموش، وإن كانت عرفتهم ساعتها متعرفهومش دلوقتي.

أضاف الرئيس السيسي: أتصور محتاجين نطلع الشخصيات دي بالشكل اللى يليق بيهم، مش لازم بمسلسل طويل ياخد مدة طويلة.. فقرة حتى 5 حلقات لكل شخصية والدراما تشتغل فيها ، والصورة اللى إحنا محتاجين نحافظ على حسنها هى صورة المصرى اللي بيعمل في القطاع ده لأنه مصري.. وكان فيه محاولات كبيرة اتعملت خلال السنين اللى فاتت، وكان آخرها من عشر سنين أو أكتر.. الهدم كان هدفه حاجة واحدة أن الجناح ده ميبقاش موجود علشان البلد تتاخد.. هو كده للى عاوز يعرف.. نكسر الشرطة ليه؟ علشان ناخد البلد.. نكسر الجيش ليه؟ علشان ناخد البلد أو نضيعها".