السوبرانو المصرية العالمية فاطمة سعيد: كنت بحلم أطلع طبيبة أسنان

كشفت «السوبرانو المصرية العالمية فاطمة سعيد»، عن حبها الكبير لارتداء الفساتين قائلة: "اللوك بيبعدني عن ضغط الحفلات وبحب الفساتين من صغري لكن حريصة على عدم التركيز في الملابس، ومخليش اللوك ياكل دماغي والناس تعلق على الفستان ويقولوا كانت لابسة فستان حلو، وميعلقوش على الغناء".

بسؤالها عن أحلامها منذ الصغر، ردت «فاطمة سعيد» في لقاء حصرى ببرنامج «السفيرة عزيزة» مع الإعلامية جاسمين طه، على قناة dmc، بقولها: "كنت بحلم وأنا صغيرة أبقا دكتورة أسنان مكنش حلمى أطلع فنانة أوبرا علشان أريح ناس كتير.. وكمان علشان كان عندي مشكلة في أسناني وانا صغيرة.. لكن وأنا عندي 15 سنة نميت مواهب وقدرات معينة مكونتش الشخص اللى عنده موهبة جبارة وهو صغير.. كنت طبيعية جدا ومازلت..مدرسين اشتغلوا عليا جامد".