السوبرانو فاطمة سعيد: الشغل مع نادر عباسى متعة وما تخيلتش أعمل حفل فى المتحف

أعربت «السوبرانو المصرية العالمية فاطمة سعيد»، عن سعادتها الغامرة بإحياء حفل غنائى ضخم داخل المتحف المصري الكبير قائلة: "متخيلتش لما أعمل حاجة هتبقا في المتحف الكبير.. كنا بنحلم نعمل حفل في لوكيشن بالقاهرة".

وعن تعاونها مع نادر عباسى «فاطمة سعيد» في لقاء حصرى ببرنامج «السفيرة عزيزة» مع الإعلامية جاسمين طه، على قناة dmc، قالت: "الشغل مع نادر عباسى متعة .. ومن حظى إنى اشتغل مع قادة أوركسترا حاسين بالمغني، مش بس يقود.. لأ بيغني ويتنفس معايا علشان يحرك الأوركسترا على المزاج الحالي.. ممكن يكون اتفقنا في البروفة على حاجة ووقت الغناء على المسرح يبقا الكلام مختلف فكله بيتولد بالإحساس"، معربة عن املها في استمرار التعاون مع "عباسي".

بالحديث عن تقديم الفن الأوبرا إلى الجمهور بطريقة سهلة، أضافت بقولها: "كنت عاوزة حاجة أوبرا أستطيع اوصلها للجمهور بطريقة سهلة وميستغربش من الصوت العالي..أنا مؤمنة جدا ان ده ممكن وجربت مع أصدقاء واتعلمت إيه اللي يخلي الناس ممكن تسمع بعمق للفن الأوبرالي، فأنا عاوزة أحسس الجمهور بشوق للأوبرا ويرجع يسمعها تاني".