علا الشافعي: وحيد حامد أبويا الروحي وشرفت بالعمل معه في "الجماعة"

تحدثت السيناريست والناقدة الفنية علا الشافعي عن علاقتها بالكاتب الراحل وحيد حامد، خلال استضافتها في تليفزيون اليوم السابع مع الكاتب الصحفي جمال عبد الناصر، قائلة إنها كانت تعتبره والدها الروحي، وأن مقابلته كانت بسيطة متواضعة دون أي تكلف.

وذكرت "الشافعي" أن وحيد حامد لم يفقد الشغف في المهنة حتى آخر يوم في حياته، فضلا عن متابعته طول الوقت لكل ما يعرض، أو ما يدور حوله، متابعة: "أستاذ وحيد حامد مكنش بيتشغل إلا لو كان مستريح ويبقى عارف إن خياله هيطلع بالظبط مع الشخص دا، وكان بيجيب الشخص ويتكلم معاهم ويشوف هو على نفس الوتيرة معاه ولا لا".

كما كشف تفاصيل اختيار الفنان إياد نصار لدور حسن البنا في مسلسل "الجماعة"، مشيرة: "ممكن أقول إني كنت كارت التعارف بين إياد نصار وبين وحيد حامد، لأن إياد وقتها كان عامل مسلسل مهم "الأمين والمأمون" واحد من أهم أدواره، وكنا في مهرجان الفيلم مشارك فيه وكان إياد ومنذر رياحنة موجودين وأستاذ وحيد كان بيفكر في مين اللي ينفع يعمل حسن البنا باللغة العربية الفصحى وإتقانها، وكان عنده حيرة كبيرة".

علا الشافعي

وأضافت: "فأنا كنت بحكي له بشغف عن المسلسل، فقالي أنا شوفت المسلسل مين اللي موجود قولتله فلان قالي هاتيه يشرب معايا قهوة، قعد يتكلم معاه وعن شغله وطموحه، وبعدها لقيت مكالمة من أستاذ وحيد بيقولي أنا لقيت اللي هيعمل دور البنا قولتله مين قالي إياد، وكنت محظوظة إني اشتغلت باحث في الجزء الأول من الجماعة".

وذكرت: "في إحدى المرات كان أستاذ وحيد متضايق مني، وعشان أصالحة جبتله رواية "عمارة يعقوبيان"، لقيته بيقولي هاتي الكاتب، دي تنفع سينما، ولم ينفصل أبدا عن الشارع المصري بكل تفاصيله".