طالب طب سوهاج بعد عرض فكرته على الرئيس السيسي: كلمة الرئيس كانت أكبر تكريم لنا

البرنامج

رامى محيى الدين

الجمعة، 06 يناير 2023 12:54 ص

قال محمد عبد اللطيف طالب بكلية الطب جامعة سوهاج ان شعب سوهاج بالكامل سعيد بزيارة الرئيس ونشكره لانه علمنا نحلم ونصدق اننا نقدر نوصل ونحقق الاحلام دى وخلانا نصدق انه مهما كانت افكارنا بسيطة نقدر بيها نوصل ونخلي بلدنا قد الدنيا

وأضاف خلال مداخلة ببرنامج مانشيت مع الإعلامى جابر القرموطى: كلمة الرئيس بعد ما وضحنا شغلنا كانت أكبر تكريم لنا وتوضح شغلنا وتم التواصل معنا من مؤسسة الرئاسة ورئاسة الوزراء وستكون هناك خطوات الأسبوع المقبل ان شاء الله.

وأكد ان المشاريع التي عرضت على الرئيس كانت متنوعة ومتأكدين ان توجهات الرئيس ستنفذ في أقرب وقت وستكون هناك حاجة ملموسة على الرض في وقت قريب.

وأبدى الرئيس عبد الفتاح السيسى، إعجابه وسعادته بالنماذج الشبابية الناجحة.

وجه الرئيس عبد الفتاح السيسي، بتوفير الدعم اللازم للمشروعات الشبابية من صندوق تحيا مصر.

وقال الرئيس السيسي، خلال كلمته في افتتاح مشروعات قومية جديدة في محافظة سوهاج، فى إطار استراتيجية تنمية الصعيد: "لما الاقي حلم عند شباب مصرى.. الحلم ده ممكن يتعمل منه حاجة.. مش أقول ربنا يوفقهم.. لا ده يمكن يجبلي حاجة.. أي مشروع يجبلي حاجة.. وحاجة جنب حاجة.. البلد دي موقفها يتغير.. بقولكم كده بسبب موضوع النمو السكاني".

وتابع الرئيس السيسي: "النهاردة يوم جميل وعام جديد وكل سنة وأنتم طيبين.. بنفكر دايما بعض بحجم التحدي والمشكلة.. الموضوع مش فساد حكومة ولا فساد إداري ولا تهميش.. أقول حاجة بسيطة.. أنا اعرف كويس يعني أيه قرش؟.. واعرف ايه يعني دولة بفضل الله.. ودولة تبقي قد الدنيا بيكم وافكاركم وجهدكم.. مستمرين بالطريقة دي.. والدعم من صندوق تحيا مصر.. طب الرقم كام؟.. مش عاوز أقول.. حطوا أفكاركم في ميزانيات ولجنة تشرف على ده ولكم ولغيركم من مشروعات شبابية.. واحنا ان شاء الله نوفر الدعم.. كل اللى قولتوه ده نشوفوا.. كل المشروعات والأفكار".