عمرو سلامة: فكرة "شماريخ" من 2008.. آسر ياسين: مشهد النهاية الوحيد اللى ماتغيرش

حل أبطال فيلم "شماريخ" ضيوفاً في برنامج "معكم منى الشاذلي، الذى تقدمه الإعلامية منى الشاذلي على قناة ON، وقال المخرج عمرو سلامة: "فيلم شماريخ بعت فكرته لآسر ياسين في 2008، وقتها كنا بنصور مشهد في فيلم (زى النهاردة)، وحكيتله على الفكرة وحب الفيلم بس كان باحداث تانية خالص لكن التيمة واحدة".

وتابع عمرو سلامة: "فكرة اسم شماريخ جت من قبل ما تكون هي دى أحداثه، والفيلم اتغير كتير على مدار 15 سنة، والفكرة بدأت معايا كان فى رواية شهيرة جدا كنت هاموت وأعملها فيلم، وقعدت أحاول اقنع الناس إنى مخرج وهعرف أعملها، ولقيت مخرج تانى عملها واضايقت جدا".

واستكمل عمرو سلامة: "الفكرة فضلت جوايا وعملتها في فيلم قصير، وبعد ما عملتها حسيت إنى عاوز أعملها فيلم طويل، والموضوع بدأ من هنا"، وأشار آسر ياسين إلى أن أحداث الفيلم تغيرت ماعدا المشهد الذى بنى عليه الفكرة وهو مشهد النهاية.

فيلم "شماريخ" بطولة آسر ياسين أمينة خليل، خالد الصاوي، آدم الشرقاوي، مصطفى درويش، وسالي حماد، وعدد من ضيوف الشرف منهم محمد ثروت وهدى المفتي، والعمل من تأليف وإخراج عمرو سلامة، تدور أحداثه في إطار أكشن ومطاردات، حيث يحدث ظرف ما يجمع بطلى الفيلم ويجعلهم في خطر كبير فيتحدون لكيفية التخلص منه.