شاهد.. أحمد آدم يغنى "استر يا ساتر ع الولاد من السناتر"

قدم الفنان أحمد آدم خلال برنامج "آدم شو" فى حلقة جديدة على شبكة تليفزيون الحياة، أغنية "عن سناتر الدروس الخصوصية على وزن أغنية "دقوا الشماشى" وهى "استر يا ساتر".

 

 

وكلمات الأغنية هى"استر يا ساتر استر يا ساتر.. استر يا ساتر ع الولاد من السناتر ..سابو المدارس فاضية وراحو ع السناتر.. فى كل حارة وكل ناصية نلاقى سنتر.. لو قفلوا عشرة يفتحوا قدامهم اكتر.. نيجى نحل المشكلة نلقاها تكبر .. مين اللى يقدر يغلب مستر م السناتر.. الإعلانات فى كل حتة وكل مطرح.. صورة المدرس ع الافيش تقولش مسرح.. بيغنى ع الطبلة المناهج مش بيشرح.. والكل يرقص ع الإيقاع وكأنه شادر.. طول ما احنا مجموع الولاد هو اللى أولى.. يبقى احنا اللى قدام الخصوصى خسرنا جولة.. عايزين نربى ع المهارة وع المحاولة.. مش نحفظ بس ونقعد نملا فى دفاتر.. استر يا ساتر ع الولاد من السناتر".

 

 

 

ويعد "آدم شو" أضخم برنامج كوميدي على الشاشات المصرية والعربية، ويناقش آدم، في البرنامج، في إطار كوميدي وساخر، بعض الظواهر والسلوكيات الاجتماعية، كما يمزج البرنامج بين الاستاند أب كوميدي والأغاني، ويستضيف أشهر نجوم المحتوى الكوميدي على السوشيال ميديا، ويذاع البرنامج، على شاشة تليفزيون الحياة، يومي الخميس والجمعة، في العاشرة مساء.

 

وتعرض منصة watch it الرقمية الفيلم الكوميدى "صابر وراضى" للفنان أحمد آدم حصرياً ولأول مرة.